बॉलिवूड स्टार्सची स्टाइल 10 वर्षांपूर्वी होती अशी, PHOTOS पाहून पोट धरुन हसाल

90 च्या काळातील अभिनेते स्टाईलमध्ये तेव्हाही अपडेट असायचे आणि आजही ते नव्या पिढीला टक्कर देत आहेत. वेळेसोबतच त्यांनी स्टाईलमध्ये असा बदल केला आहे की आजपण त्यांचे फॅन्स वाढतच आहेत.

अभिनेता सुनील शेट्टीची त्यावेळी सिनेमांमध्ये विस्कटलेले केस, अर्धवट उघडलेलं शर्ट आणि ढगाळ कपडे अशी स्टाईल होती. अनेक वर्ष त्यांनी याच लुकला फॉलो केलं. पण नंतर हळूहळू स्टाईलमध्ये असा बदल केला की सुनीलने हॉलिवूड सेलिब्रिटींनाही टक्कर दिली. दाढी आणि केसांच्या बाबतीत त्यांचा क्लासिक लुक आजही प्रसिद्ध आहे.

लांब केस आणि नेहमी क्लीन शेव्हमध्ये दिसून येणारा बॉबी देओल 90च्या काळात आणि आजही प्रसिद्ध आहे. विशेषत: बॉबी देओलने जेव्हा रेस-3 सिनेमासाठी कसरत करून बॉडी बनवली तेव्हा त्याचा लुक पूर्णपणे बदलला. या सिनेमात त्याची विशेष मेहनत दिसून आली होती.

सुरुवातीपासून जास्त प्रमाणात गंभीर चित्रपट केल्यामुळे बहुतेक जास्त काळ अजय देवगणचा लुक कायम असाच दिसायचा. अभिनेता अजय देवगणने त्याकाळी फार छान चित्रपट केले. पण त्याचा एकसारखा लुक प्रेक्षकांना फार आवडला नाही. अजयने बदलत्या काळासोबत स्वत:चं रूप असं बदललं की त्याच्या स्टाईल लोक फॉलो करू लागले. अजय लवकरच 'टोटल धमाल' सिनेमातून प्रेक्षकांच्या भेटीला येणार आहे.

नवाब सैफ अली खान त्याकाळी त्याच्या स्टाईलमुळे नेहमीच चर्चेत असायचा. सुरुवातीच्या काळात सैफ फार कूल लुकमध्ये दिसायचा. त्याची त्यावेळेची हेअर स्टाईल इतकी गाजली होती की, काही तरूणांनी तसेच केस कापणं पसंत केलं होतं. सैफने नेहमीच त्या त्या काळातील चित्रपटाप्रमाणे लुक आणि स्टाईल बदलली आहे. त्यामुळे 90च्या काळापासून ते आजपर्यंत सिनेमांप्रमाणे सैफही बदलत गेला आहे.

बॉलिवूडचा खिलाडी अक्षयकुमार चित्रपट आणि स्टंटमुळे नेहमीच चर्चेत असायचा. पण 90च्या काळात त्याची स्टाईल फार काही खास नव्हती. अक्षयकुमारने वेगवेगळ्या विषयाचे सिनेमे केले असल्याने त्याच्या स्टाईलमध्ये बदल दिसायला लागला. आता एकापाठोपाठ एक धमाकेदार सिनेमे करत त्याने फॅनला वेड लावलं आहे.

त्याकाळापासून ते आत्तापर्यंत अनिल कपूरच्या दिसण्यावरून तुलना करणं चुकीचं ठरेल. पण त्याच्या स्टाईलमध्ये मात्र बराच फरक दिसून येतो. विशेष म्हणजे आजही त्याच्यात तितकीच एनर्जी दिसून येते. 90च्या काळात अनिलच्या स्टाईलवरून थट्टा केली जायची आणि विनोदही केले जायचे. 2004 नंतर त्याने त्याच्या स्टाईलमध्ये अनेक बदल केले. म्हणूनच तो आजही झक्कास दिसतो आहे.