कोणाच्या नावाचं कुंकू लावतेस? बेबी बंम्बच्या फोटोनंतर नुसरत 'या' फोटोमुळे ट्रोल

तृणमुल काँग्रेसची (TMC) खासदार आणि प्रसिद्ध बंगाली अभिनेत्री नुसरत जहां (Nusrat Jahan) सध्या तिच्या वैयक्तिक आयुष्यामुळे भलतीच चर्चेत आली आहे.

तिच्या लग्नावरून सध्या मोठे प्रश्न निर्माण झाले आहेत. अलिकडेच तिनं धुमधडाक्यात केलेलं लग्न नाकारलं होतं. दरम्यान आता ती गरोदर असल्याची बातमी समोर येत आहे.

नुसरतनं काही फोटो सोशल मीडियावर शेअर केले आहेत. या फोटोमध्ये तिच्या डोक्यावर कुंकू लावलेलं दिसत आहे. परिणामी हे फोटो राहून काही नेटकरी तिच्यावर जोरदार टीका करत आहेत.

खरं तर या फोटोंमध्ये ती एका गर्भनिरोधक गोळ्यांची जाहिरात करत आहे. परंतु तिच्या या जाहिरातींवर काही नेटकऱ्यांनी संताप व्यक्त केला आहे.

“जर तू लग्नच नाही केलंस तर हे कुंकू कोणाच्या नावाचं लावतेस?” असा प्रश्न संतापलेले नेटकरी तिला वारंवार करत आहेत. यापूर्वी ती आपल्या गरोदरपणामुळं देखील चर्चेत होती. त्यावेळी देखील तिच्या पोटातील बाळ कोणाचं आहे? असा सवाल तिला केला जात होता.

निखिल जैनने (Nikhil Jain) आधीच या प्रेग्नंसी विषयी खुलासा करत आपल्याला याविषयी काहीही माहित नसल्याचं म्हटलं होतं. तसेच त्या दोघांमध्ये मागील वर्षभरापासून वादविवाद सुरू असून ते 6 महिन्यांपासून एकमेकांपासून वेगळे राहत आहे. त्यामुळे हे मुलंही त्याचं नसल्यांचा दावा त्यानं केला आहे.