'माझ्या नवऱ्याची बायको' मधील शनाया म्हणजेच अभिनेत्री रसिका सुनील आपल्या खास अंदाजामुळे नेहमीच चर्चेत असते. रसिका सध्या आदित्य बिलागीसोबत रिलेशनशिपमध्ये आहे. व्हेलेंटाईन डेला आदित्यने अगदी खास अंदाजात रसिकाला प्रपोज केलं होतं. त्याचबरोबर लॉस एंजेलिस शहराची हेलिकॉप्टर राईडसुद्धा घडवली होती. रसिका आणि आदित्य सध्या लॉंग डिस्टन्स रिलेशनशिपमध्ये आहेत. त्यामुळे रसिका सतत आदित्यच्या आठवणीत गुंतलेली असते. बऱ्याच वेळा ती आदित्यसोबत आपले फोटो शेयर करून लवकर भेटण्याची इच्छा व्यक्त करते. आदित्यबद्दल माझ्या मनात दिवसेंदिवस आदर आणि प्रेम वाढतचं जातंय, असं रसिका सांगते. माझ्या नवऱ्याची बायको या मालिकेत रसिकाने 'शनाया' ही खलनायिकेची भूमिका साकारली होती. मात्र तरीसुद्धा ही भूमिका प्रचंड लोकप्रिय झाली होती. यामुळे रसिकाला एक खास ओळख मिळाली आहे.
