अभिनेत्री तेजश्री प्रधान पुन्हा टेलिव्हिजनवर परतणार; नव्या भूमिकेसाठी चाहते उत्सुक

'होणार सुन मी या घरची' या मालिकेतून घराघरांत पोहचलेली जान्हवी म्हणजेच अभिनेत्री तेजश्री प्रधान.

'होणार सून मी या घरची या मालिकेत तेजश्रीनं साकारलेली जान्हवी असेल किंवा ‘अग्गंबाई सासूबाई’ या मालिकेत साकारलेली शुभ्रा असेल प्रेक्षकांनी नेहमीच तिच्यावर भरभरून प्रेम केलं.

मात्र गेल्या काही काळापासून तेजश्री छोट्या पडद्यापासून दूर आहे. ती कोणत्याच मालिकेत झळकली नाही.

अशातच तेजश्री पुन्हा छोट्या पडद्यावर पुनरागमन करणार असल्याचं समोर आलंय. याविषयी टीआरपी मराठीने एक पोस्ट शेअर केली आहे.

टीआरपी मराठीच्या इन्स्टाग्रामवर एक पोस्ट शेअर केली असून यामध्ये 'लवकरच टेलिव्हिजन वर भेटायला येणार तेजश्री प्रधान' म्हटलं आहे.

अद्याप तेजश्री प्रधान कोणत्या मालिकेत झळकणार हे स्पष्ट झालं नाहीये. मात्र प्रेक्षक तेजश्रीला छोट्या पडद्यावर पाहण्यासाठी चाहते खूप उत्सुक आहेत.

टीआरपी मराठीच्या पोस्टवर चाहते भरभरुन कमेंट करत तीच्याविषयी अनेक प्रश्न विचारत आहेत.

दरम्यान, तेजश्री कधी चाहत्यांना गुडन्यूज देणार आणि छोट्या पडद्यावर परतणार यासाठी चाहते खूपच उत्सुक आहेत.