कॉलसेंटरमध्ये काम करणारी समंथा कशी झाली कोट्यवधींची मालकीण?

समंथा अक्किनेनी ही दाक्षिणात्य सिनेसृष्टीतील एक लोकप्रिय अभिनेत्री म्हणून ओळखली जाते.क्यूट लूक आणि जबरदस्त अभिनयशैलीच्या जोरावर तिनं सिनेसृष्टीत स्वत:च असं एक वेगळं स्थान प्रस्थापित केलं आहे.

आज समंथाचा वाढदिवस आहे. वाढदिवसाच्या निमित्तानं देशभरातील चाहत्यांची तिच्यावर शुभेच्छांचा वर्षाव केला आहे. आज समंथा लोकप्रियतेच्या शिखरावर आहे. परंतु तुम्हाला वाचून आश्चर्य वाट्ल कधीकाळी ती केवळ 3 हजार रुपयांसाठी 12 तास कॉलसेंटरमध्ये काम करत होती.

समंथाचा जन्म 28 एप्रिल 1987 साली तमिळनाडूमधील एका मध्यमवर्गीय कुटुंबात झाला होता.

तिला लहानपणापासूनच अभिनयाची आवड होती. शालेय स्पर्धा, नाट्यस्पर्धा, सार्वजनिक कार्यक्रम यांमध्ये अभिनय करुन ती आपली हौस भागवत असे.

कॉलेजमध्ये असताना तिनं अभिनयातच करिअर करण्याचा निर्णय घेतला. अन् त्यासाठी तिला शहरात राहावं लागणार होतं. परंतु शहरात राहण्याचा आर्थिक भार उचलण्यासाठी सुरुवातीला ती एका कॉलसेंटरमध्ये काम करावं लागलं.

तिला महिन्याला कुटुंबीयांकडून थोडा पॉकेटमनी मिळत असे पण तो पुरेसा नव्हता म्हणून तिनं हे काम सुरु केलं होतं. या ठिकाणी 12 तासांचे तिला केवळ 3 हजार रुपये मिळत असे.

सुट्टीच्या दिवशी ती विविध ठिकाणी जाऊन ऑडिशन देत होती. अन् अशाच एका ऑडिशनमुळं तिला जाहिरातींमध्ये काम करण्याची संधी मिळाली.

पुढं जाहिरातीमधून तिला चित्रपटात काम करण्याची संधी मिळाली. 2010 साली ये माया चेवसे या चित्रपटातून तिनं फिल्मी करिअरची सुरुवात केली.

तिचा पहिलाच चित्रपट सुपरहिट झाला. त्यानंतर तिनं एकामागून एक अनेक सुपहिट चित्रपटांमध्ये काम केलं. अन् आज ती दाक्षिणात्य सिनेसृष्टीतील सर्वाधिक मानधन घेणाऱ्या अभिनेत्रींपैकी एक म्हणून ओळखली जाते.

3 वर्षांपूर्वी तिनं सुपरस्टार नागार्जुना यांच्या मुलासोबत लग्न केलं. कधीकाळी तीन हजार रुपयांसाठी 12 तास काम करणारी समंथा आज कोट्यवधींची मालकीण म्हणून ओळखली जाते.