शाहिद कपूरनं 'Jersey' च्या प्रमोशनमध्ये घातला इतका महागडा जॅकेट; किंमत ऐकून व्हाल थक्क

बॉलिवूड अभिनेता शाहिद कपूर सध्या त्याच्या आगामी चित्रपट 'जर्सी'च्या प्रमोशनमध्ये व्यग्र आहे. शाहिद आपल्या चित्रपटाच्या प्रमोशनमध्ये कोणतीही कसर सोडू इच्छित नाही. हा अभिनेता जितका त्याच्या उत्कृष्ट अभिनयासाठी ओळखला जातो तितकाच तो त्याच्या फॅशन सेन्ससाठीही ओळखला जातो. अलीकडेच 'जर्सी'च्या प्रमोशनदरम्यान शाहिद कपूर कलर ब्लॉक जॅकेट घालून दिसला होता. त्याच्या या डिझायनर जॅकेटची सध्या सोशल मीडियावर खूप चर्चा होत आहे. चाहते तिच्या फॅशन सेन्सच फारच कौतुक करत आहेत.

या आउटफिटमध्ये शाहिद कपूर खूपच हँडसम दिसत आहे. त्याने आपल्या इंस्टाग्रामवर 'कलर ब्लॉक जॅकेट'मधील स्वतःचे अनेक फोटो शेअर केले आहेत. त्याने नेव्ही ब्लू शर्ट आणि जॅकेटसह पांढरी पॅन्ट घातली आहे.

पांढऱ्या रंगाच्या ब्लॉक जॅकेटवर नेव्ही ब्लू कलरचा टच या आउटफिटला आणखी आकर्षक बनवत आहे. जॅकेटला दोन बटणं आणि त्यावर नक्षीदार लोगो देखील आहे.

या आउटफिटसोबत त्यानं काळ्या रंगाचे शूज घातले आहेत. प्रत्येकजण त्याच्या लुकचं कौतुक करत आहे. शाहिदच्या या जॅकेटची किंमत तब्बल 44,500 रुपये आहे. जे प्रसिद्ध डिझायनर शंतनू आणि निखिल यांनी डिझाइन केलं आहे.

याआधीही शाहिदने त्याच्या चित्रपटाच्या प्रमोशनदरम्यान घेतल्या पोशाखांचे फोटो इंस्टाग्रामवर शेअर केले होते. यामध्येही शाहिद नेहमीप्रमाणेच खूप हँडसम दिसत आहे.

हे फोटो पोस्ट करत शाहिदने त्याच्या कॅप्शनमध्ये लिहिलं आहे, 'Bleed Blue... #jersey प्रमोशन चालू आहे'. शाहिदनं या ड्रेसचं श्रेय डिझायनर राकेश प्रताप सिंह यांनाही दिलं आहे.

'जर्सी' 31 डिसेंबरला थिएटरमध्ये प्रदर्शित होणार आहे. या चित्रपटात शाहिद कपूर एका क्रिकेटरच्या भूमिकेत आहे. चित्रपटाच्या ट्रेलरला प्रचंड पसंती मिळाली आहे.

या चित्रपटात शाहिदचे वडील पंकज कपूर आणि मृणाल ठाकूर देखील महत्त्वाच्या भूमिकेत दिसणार आहेत. चित्रपटाचं दिग्दर्शन गौतम तिन्ननुरी यांनी केलं आहे.