BBM विजेता विशाल निकम झळकणार मालिकेत, साकारणार ही भूमिका

'बिग बॉस मराठी'चा तिसरा पर्व प्रचंड गाजला होता. या शोमध्ये सहभागी झालेल्या कलाकरांना तुफान लोकप्रियता मिळाली आहे.

या शोमध्ये विशाल निकमला सुरुवातीपासून प्रेक्षकांचं प्रचंड प्रेम मिळालं होतं. त्यामुळेच विशाल या पर्वाचा विजेता ठरला होता.

या शो नंतरसुद्धा विशालची लोकप्रियता कायम आहे. सोशल मीडियावर चर्चेत असतो.

गेल्या अनेक दिवसांपासून चाहते त्याला एखाद्या मालिकेमध्ये पाहण्यासाठी उत्सुक होते. चाहत्यांची ही इच्छा लवकरच पूर्ण होणार असल्याचं दिसतंय.

बिग बॉस मराठी विजेता विशाल निकम मालिकेत झळकणार आहे.

विशाल निकम कलर्स मराठीवरील 'आई मायेचं कवच' या मालिकेत मानसिंगच्या भूमिकेत दिसणार असल्याचं समोर आहे.

हा रिपोर्ट समोर येताच विशालचे चाहते प्रचंड आनंदी झाले आहेत.

विशाल निकमने याआधीसुद्धा मालिकांमध्ये काम केलं आहे. परंतु त्याला खरी ओळख बिग बॉसमधून मिळाली आहे.