'अंगुरी भाभी' आहे 14 वर्षाच्या मुलीची आई; अवघ्या 19 व्या वर्षी झालं होतं लग्न

'भाभीजी घरपर है' फेम 'अंगुरी भाभी' म्हणजेच अभिनेत्री शुभांगी अत्रे आज आपला 40 वा वाढदिवस साजरा करत आहे. यानिमित्ताने जाणून घेऊया तिच्या काही खास गोष्टी.

शुभांगी अत्रेनं अनेक मालिकांमध्ये काम केलं आहे. मात्र तिला खरी ओळख मिळाली ती 'भाभीजी घरपर है' या मालिकेमुळे या मालिकेतील 'अंगुरी' या पात्राने ती घराघरात पोहोचली. शुभांगीचं लग्नं अवघ्या 19 वर्षात झालं होतं. तिचा जन्म 1 एप्रिल 1981 मध्ये एका ब्राह्मण कुटुंबात झाला होता. तिला लहानपणापासूनचं अभिनयाचं वेड होतं. मात्र तिचं हे स्वप्न लग्नानंतर पूर्ण झालं.

शुभांगी ही अशी एक कलाकार आहे. जिने लग्नानंतर आपल्या अभिनयाची कारकीर्द सुरु केली आहे. सन 2000 मध्ये तिचं लग्नं उद्योजक पियुष पूरे याच्यासोबत झालं आहे.

या दोघांना 14 वर्षांची एक मुलगी सुद्धा आहे जिचं नाव आशी असं आहे. आशी ही अतिशय हुशार आहे. तिला शास्त्रज्ञ बनण्याची इच्छा आहे. शुभांगीला इतकी मोठी मुलगी आहे हे खुपचं कमी लोकांना माहिती आहे. आणि ज्यांना समजत ते आश्चर्य व्यक्त केल्याशिवाय राहत नाहीत.

एका मुलाखतीदरम्यान शुभांगीनं म्हटलं होतं की तिचा पती एका जाहिराती कंपनीमध्ये काम करत होता. तिनं त्यांच्यासाठी एका जाहिरातीत काम केलं होतं. त्यांनतर त्यांच्या फोटोग्राफरने तिला चित्रपटांत काम करण्याचा सल्ला दिला होता. शुभांगीनं आपल्या मुलीच्या जन्मानंतर अभिनयाला सुरुवात केली. 2007 मध्ये ती पहिल्यांदा 'कसौटी जिंदगी की' या मालिकेत झळकली होती.

त्यांनतर शुभांगीनं करम अपना अपना, ये रिश्ता क्या कहालाता है, दो हंसो का जोडा, चिडियाघर, गुलमोहर गार्डन सारख्या मालिकांमध्ये काम केलं आहे. शिल्पा शिंदेनं अतर्गत वादामुळे भाभीजी घरपर है ही मालिका सोडली. आणि त्यांनतर 2016 मध्ये यात शुभांगी अत्रेची वर्णी लागली. आणि या मालिकेमुळे तिला प्रचंड प्रसिद्धी मिळाली.

मालिकेमध्ये कायम साडीत वावरणारी शुभांगी आपल्या वैयक्तिक आयुष्यामध्ये मात्र खूपच स्टाईलिश आणि बोल्ड आहे. ती सतत आपले फोटो इन्स्टाग्रामवर पोस्ट करत असते.

शिल्पा शिंदेची जागी अंगुरी भाभी म्हणून शुभांगी अत्रे आल्यानंतर तिला सुरुवातीला मोठ्या प्रमाणात ट्रोल करण्यात आलं. मात्र वेळेनुसार तिनं ते पात्र आत्मसात केलं. आणि आपल्या अभिनयाच्या जोरावर चाहत्यांच्या मनात एक खास जागा निर्माण केली आहे.