अक्षय कुमारचा भारतीय सैन्यासोबत भांगडा; शाळेला तब्बल 1 कोटींची मदत

बॉलिवूडचा मिस्टर खिलाडी अक्षय कुमार सध्या काश्मीरमध्ये पोहोचला आहे.

त्यानं काश्मिरमध्ये जाऊन भारतीय सैन्य दलाच्या सैनिकांशी भेट घेतली.

या भेटीदरम्यान अक्षयनं काश्मीरमधील बांदीपोरा जिल्ह्यातील नीरू गावात शाळा बांधण्यासाठी एक कोटी रुपयांची देणगीही दिली आहे.

सर्वप्रथम त्यानं गुरेझ सेक्टरमधील नियंत्रण रेषेजवळील नीरू गावाला भेट दिली.

गावाला भेट दिल्यानंतर त्यानं तेथील शाळेचं निरिक्षण केलं. ही शाळा अत्यंत वाईट स्थितीत होती.

त्यामुळं शिकणाऱ्या मुलांना प्रचंड हालअपेष्टा सहन कराव्या लागतात. त्यामुळं शाळेची पुर्नबांधणी करण्यासाठी त्यानं एक कोटी रुपयांची देणगी दिली.

सोबतच भविष्यात इतरही वस्तुंसाठी शाळेला आर्थिक मदत करण्याचं वचन त्यानं दिलं आहे.

शाळेनंतर त्यानं भारतीय सैन्य दलाच्या इतर सैनिकांची भेट घेतली.

जवळच बीएसएफचे युनिटची पोस्ट आहे, तिथे अक्षयने भारतीय सैनिक आणि स्थानिक लोकांसह जोरदार भांगडाही केला.

ही क्षणचित्र BSF च्या अधिकृत ट्विटर हँडलवरुन शेअर करण्यात आली आहे. दरम्यान या मदतीसाठी अक्षयच्या चाहत्यांनी सोशल मीडियाद्वारे त्याच्यावर कौतुकाचा वर्षाव केला आहे.