मुलीच्या नावाने बनवलं फेसबुक अकाऊंट, फक्त गंडवलंच नव्हे तर तरुणाचा विषयच संपवला

कोमेश साहू (26) असे ठार झालेल्या व्यक्तीचे नाव आहे. तो कोणत्यातरी मुलीशी बोलत असे. पण कोमेशला माहित नव्हते की तो ज्याच्याशी फोनवर बोलतो ती मुलगी नसून मुलगा आहे. त्यानंतर कोमेश त्याला भेटण्यासाठी पोहोचला तेव्हा संपूर्ण प्रकरण उघड झाले. यानंतर आरोपींनी चाकूने कोमेशचा गळा चिरत त्याची हत्या केली.

राजनांदगावचे उपअधीक्षक लखन पटले यांनी सांगितले की, 3 मे रोजी लाल बहादूर नगर येथे राहणारा कोमेश कवर्धा येथील सिंगणपुरी येथे, त्याला मित्राच्या लग्नाला हजेरी लावायची आहे जात असल्याचे सांगून घरातून निघून गेला होता. मात्र, सायंकाळी उशिरापर्यंत तो घरी परतला नाही. त्यानंतर नातेवाइकांनी फोन केला. मात्र, संपर्क होऊ शकला नाही. त्यानंतर त्याचा आजूबाजूला शोध घेण्यात आला.

सिंगनपुरी येथही संपर्क साधण्यात आला. मात्र, त्याच्याबाबत काहीच माहिती मिळाली नाही. यानंतर व्यथित झालेल्या नातेवाईकांनी 4 मे रोजी चिचोला पोलिसात तो हरवल्याची तक्रार दाखल केली. दरम्यान, 5 मे रोजी मेधा गावातील झुडपात कोमेशचा मृतदेह आढळून आला. त्याच्या मानेवर आणि शरीराच्या अनेक भागांवर धारदार शस्त्राने वार केल्याच्या खुणा होत्या. यानंतर पोलिसांनी हत्येचा गुन्हा दाखल करून तपास सुरू केला.

तपासासाठी पोलिसांनी कोमेशच्या फोनचे लोकेशन ट्रेस केले असता त्याचा मोबाईल मेधा गावातील सोनू सिन्हा याच्याकडे असल्याची माहिती मिळाली. त्यामुळे पोलिसांनी सोनूला ताब्यात घेऊन चौकशी सुरू केली. सोनूने पोलिसांना सांगितले की, आम्ही 8 महिन्यांपूर्वी सोशल मीडियाच्या माध्यमातून भेटलो होतो. मी मानसी साहूच्या नावाने फेक आयडी बनवून त्याच्यासोबत बोलायचो. त्यामुळे कोमेश माझ्यावर प्रेम करू लागला होता.

याचा फायदा घेत मी आधी त्याच्याकडून दीड लाख रुपये घेतले. हे पैसे मिळाल्यानंतरही आमची चर्चा सुरूच होती. दरम्यान, मी त्याच्याकडे पुन्हा एक लाख रुपये मागितले. त्यावर त्याने मेढा येथे येण्याची अट ठेवत पैसे देण्याबाबत सांगितले. त्यानंतर त्याने इथे पैसे आणले, मग मी त्याला भेटलो. मी त्याला सांगितले की, मानसीने मला पैसे घेण्यासाठी पाठवले होते. मला पैसे दे. पण मी तुला पैसे देणार नाही. मी मानसीलाच हे पैसे देईन, असे तो बोलू लागला.

आरोपीने सांगितले की, त्यावेळी त्याने फोनवरून मानसीला मेसेज केला. मेसेजला रिप्लाय द्यावा लागला. म्हणूनच मी इकडे तिकडे मेसेजला उत्तरे द्यायला सुरुवात केली. हे बघून कोमेशला माझ्यावर संशय आला. त्याने माझ्याकडून फोन हिसकावून घेतला. यानंतर त्यांना सत्य समजले.

माझे दीड लाख रुपये परत कर, नाहीतर पोलिसांत तक्रार करेन, असे तो मला सांगू लागला. यानंतर पैसे घेण्याच्या बहाण्याने मी घरी गेलो आणि घरून चाकू आणत कोमेशवर चाकूने हल्ला केला, यात त्याचा मृत्यू झाल्याची कबुली त्याने दिली. यानंतर मग मी एक लाख रुपयांनी भरलेली बॅग घेऊन पळून गेलो आणि 25 हजार रुपयांचे कर्ज फेडले. याप्रकरणी पोलिसांनी आरोपी सोनू सिन्हा याला अटक केली असून पुढील तपास सुरू असल्याचे सांगितले.