रिसॉर्टमध्ये सेक्सदरम्यान पतीला अचानक आली झोप; सकाळी मृत अवस्थेत आढळली महिला

ब्रिटेनमध् एक दाम्पत्य सुट्ट्यांसाठी आणि रोमँटिक एडवेंचर करण्यासाठी एका रिसॉर्टमध्ये थांबले होते. मात्र पतीला अचानक झोप आल्यामुळे महिलेला आपला जीव गमवावा लागला आहे. या प्रकरणात कोर्टाने महिलेचा पती 52 वर्षीय वॉरेन मार्टिन कॉन्टन याला गंभीर निष्काळजीपणा केल्यामुळे दोषी मानलं असून त्याला 6 वर्षांची शिक्षा सुनावली आहे.

नॉथ वेल्स लाइव्हच्या रिपोर्टनुसार, मार्टिन आपल्या 38 वर्षांची पत्नी क्लेअर व्हाइटसह एक लक्जरी लॉजमध्ये गेली होती. वॉरेन आणि क्लेयर या ट्रिपमध्ये एडव्हेंचर करण्याच्या हेतूने आले होते. दारू आणि ड्रग्जसह या ट्रिपमध्ये ग्ल्वज, रेड टेप, व्हाइट टेप सारख्या वस्तुही होत्या.

या रोमँटिक एडव्हेंचरअंतर्गत त्यांनी क्लेयरला बांधलं आणि तिच्या तोंडावर मोजे घातले. मार्टिनने खूप जास्त नशा केली असल्याने त्याला झोप आली. तर दुसरीकडे क्लेयरची प्रकृती खालावू लागली. मात्र तिला बांधलेलं असल्या कारणाने ती काहीच करू शकली नाही आणि जागेवरचं तिने जीव सोडला. आज तकने यासंदर्भातील वृत्त प्रसिद्ध केलं आहे.

मार्टिनने क्लेयरच्या तोंडावर टेप बांधली होती की नाही हे स्पष्ट होऊ शकलेलं नाही. सकाळी जेव्हा मार्टिन जागा झाला तेव्हा क्लेयरचा मृत्यू झाल्याचं दिसलं. तो मदत मागण्याऐवजी घटनास्थळावरुन फरार झाला आणि रिसॉर्टच्या स्टाफने महिलेच्या मृतदेहाबाबत पोलिसांना सूचना दिली.

द सनच्या रिपोर्टनुसार या घटनेनंतर महिलेच्या कुटुंबाला धक्काच बसला. क्लेयरची आई ज्युली डेविस मुलीच्या मृत्यूनंतर मानसिक तणावात आहे. या प्रकरणात क्लेयरची बहीण क्रिस्टी राइटने सांगितलं की, क्लेयरच्या निधनानंतर संपूर्ण कुटुंबावर संकट कोसळलं आहे.

मोल्ड क्राऊन कोर्टाच्या न्यायाधीशांनी मार्टिनवर निष्काळजीपणाचा आरोप लावला आहे. त्यांनी ड्रग्स टाळलं असतं तर पाच वर्षांपासून लग्नाच्या नात्यात असलेल्या पत्नीला वाचवू शकले असते. मार्टिनला या प्रकरणात सहा वर्षांची शिक्षा सुनावण्यात आली आहे.