Delta plus असो की आणखी कोणताही व्हेरिएंट; तज्ज्ञांनी सांगितला कोरोनाच्या प्रत्येक रूपापासून बचावाचा सोपा उपाय

देशात आता डेल्टा प्लस व्हेरिएंटने चिंता वाढवली आहे. डेल्टा प्लस व्हेरिएंट ऑफ इंटरेस्ट अर्थात उत्परिवर्तन अवस्थेत असल्याचं वैद्यकीय तज्ज्ञांनी सांगितलं आहे.

देशात एकूण डेल्टा प्लस कोरोनाचे एकूण 40 रुग्ण सापडले आहेत. तर एकाचा मृत्यू झाला आहे.

महाराष्ट्रात सर्वाधिक 21 रुग्णांची नोंद झाली आहे. यामध्ये रत्नागिरीत सर्वात जास्त 9 रुग्ण आहेत. तर जळगावमध्ये 7 आणि मुंबईत 2 रुग्ण आहेत. त्यानंतर पालघर, सिंधुदुर्ग, ठाण्यात प्रत्येकी 1 रुग्ण आहे.

महाराष्ट्राशिवाय मध्य प्रदेश 6, केरळ आणि तामिळनाडूत प्रत्येकी 3 तर पंजाब, आंध्र प्रदेश, जम्मू काश्मीर या राज्यांत प्रत्येकी एक रुग्ण सापडलेत.

मध्य प्रदेशमध्ये डेल्टा प्लस व्हेरिएंटमुळे एका महिला रुग्णाचा मृत्यू झाला आहे. उज्जैनमधील महिलेचा डेल्टा प्लस कोरोनामुळे मृत्यू झाल्याची माहिती मिळते आहे.

डेल्टा प्लस व्हेरिएंटचं संक्रमण वाढत असताना एम्सचे संचालक डॉ. रणदीप गुलेरिया यांनी कोरोनाच्या प्रत्येक व्हेरिएंटपासून बचावाचा उपाय सांगितला आहे.

कोरोनाचा कोणताही व्हेरिएंट असो त्याच्याशी लढण्यासाठी फक्त तीन शस्त्रं आहेत ते म्हणजे लॉकडाऊन, लसीकरण आणि कोरोना नियमांचं पालन.

कोरोनाचा कोणताही व्हेरिएंट असूदे या तिन मार्गांचं नीट अवलंब केला तस संक्रमणावर नियंत्रण राहू शकतं. त्यामुळे आपण आपले शस्त्र खाली ठेवू नका, असा सल्ला डॉ. गुलेरिया यांनी दिला आहे.