Success Story: ...अन् त्यांच्यामुळे NEET प्रवेशात सुरु झाला ट्रान्सजेंडर कोटा; कहाणी पहिल्या ट्रान्सजेंडर डॉक्टरची

अलीकडेच, केंद्र, राज्य सरकार आणि राष्ट्रीय वैद्यकीय आयोगाला पोस्ट ग्रॅज्युएट मेडिकल कोर्स 2023 मध्ये प्रवेश घेणाऱ्या उमेदवारांसाठी ट्रान्सजेंडर कोटा प्रदान करण्याचे निर्देश देण्यात आले आहेत. तेलंगणा न्यायालयाकडून हा आदेश प्राप्त झाला आहे. अनुसूचित जातीतील ट्रान्सजेंडर महिला डॉ. कोयला रुथ जॉन पॉल यांच्या याचिकेवर न्यायालयाने हा निर्णय दिला आहे. पण ट्रान्सजेंडर कोटा लढा देणाऱ्या नक्की कोण आहेत कोयला रुथ जॉन पॉल? हे जाणून घेऊया.

कोयला रुथ जॉन पॉल ही दोन ट्रान्सजेंडर डॉक्टरांपैकी एक आहे ज्यांना 2022 च्या उत्तरार्धात तेलंगणा राज्य सरकार संचालित उस्मानिया जनरल हॉस्पिटलमध्ये वैद्यकीय अधिकारी म्हणून नोकरी मिळाली. कोयला रुथ जॉन पॉल यांनी PG NEET 2022 मध्ये परीक्षा दिली आणि त्यांना 800 पैकी 261 गुण मिळाले. नोव्हेंबर 2022 मध्ये अखिल भारतीय आणि राज्य कोटा जागांसाठी आयोजित समुपदेशन सत्रादरम्यान, पॉलला तृतीय लिंग म्हणून नोंदणीकृत असूनही "महिला" म्हणून वर्गीकृत करण्यात आलं.

त्यानंतर त्यांनी पदव्युत्तर वैद्यकीय प्रवेशात ट्रान्सजेंडरसाठी आरक्षणाची मागणी करण्यास सुरुवात केली, परंतु निवेदनाचा विचार झाला नाही, त्यानंतर त्यांनी न्यायालयात धाव घेतली, आता या मागणीच्या आधारे कोटा देण्याच्या सूचना देण्यात आल्या आहेत. प्रत्येकजण आयुष्यात काहीतरी बनण्यासाठी, यश मिळविण्यासाठी कठोर परिश्रम करतो, परंतु कोयला रुथ जॉन पॉलचा संघर्ष इतरांपेक्षा कितीतरी पटीने जास्त होता.

निसर्गाने त्यांना जसं घडवलं आहे तसं त्यांना स्वीकारावं अशी विनवणी त्या जगाला करत राहिल्या. त्या आहेत म्हणून त्यांचा काय दोष, पण जगातील लोकांनी त्यांना 1-2 वेळा नाही तर 15 वेळा नाकारून शिक्षा दिली. रुथ जॉन पॉल तेलंगणातील खम्मम शहरातील आहे. हैदराबादमधील 15 रुग्णालयांनी त्याला नोकरी देण्यास नकार दिला होता. पण त्या हरल्या नाहीत. अनेक नकारांचा सामना केल्यानंतर, मल्ला रेड्डी इन्स्टिट्यूट ऑफ मेडिकल सायन्सेसमधून एमबीबीएस केलेल्या 28 वर्षीय ट्रान्सवुमनला उस्मानियामध्ये नोकरी मिळाली. ट्रान्सजेंडर डॉक्टर बनून त्यांनी इतिहास रचला.

नोकरी मिळाल्यावर रुथ म्हणाल्या, ही माझ्यासाठी आणि माझ्या समाजासाठी मोठी गोष्ट आहे. मला तशी अपेक्षा नव्हती. त्याने सांगितले की 2018 मध्ये ग्रॅज्युएशन केल्यानंतर हैदराबादमधील किमान 15 हॉस्पिटल्सनी त्याला नाकारले होते. पण ते त्यांच्या लिंग ओळखीमुळे होते असे कधीच थेट सांगितले नाही. त्यांनी सांगितले की एमबीबीएसनंतर, जेव्हा माझी ओळख सार्वजनिक झाली, तेव्हा माझी पात्रता सर्व रुग्णालयांसाठी अप्रासंगिक बनली.