चंद्र आज वृश्चिक राशीत भ्रमण करेल; पाहुया सर्व 12 राशींचे आजचे राशीभविष्य

मेष - आयुष्यात येणाऱ्या मोठ्या व्यक्तींचा आधार घेऊन आज दिवस शांततेत घालवा. प्रकृती जपा. घरामध्ये सत्संग घडेल. जास्तीची जबाबदारी पार पाडाल. मानसिक ताण कमी होईल. कुटंब आणि आर्थिकदृष्ट्या उत्तम दिवस.

वृषभ- आज दिवस जोडीदाराला आनंदी ठेवण्याचा आहे, हे लक्षात ठेवा. काही कलहाचे प्रसंग येतील, जपून रहा. कार्यालयीन कामानिमित्त प्रवास, नातेवाईक भेट संभवते. मुलं आनंदी असतील. दिवस सुखद.

मिथुन- मुत्सद्दी स्वभाव असला तरी काहीसे विचारात टाकणारे वातावरण आहे. चूक होऊ शकते. कोणालाही जामीन राहणे टाळा. कोणाच्या धर्मावर टीका करताना विचार करा. व्यवसाय आणि आर्थिकदृष्ट्या बरा दिवस.

कर्क- भाग्य गुरू शुभ असला तरी चंद्र मानसिक स्थितीवर परिणाम करेल. संततीविषयी ताण अनुभव कराल. वैवाहिक जीवन कष्टदायक आहे. गुरूचे पाठबळ व शनि रवि आर्थिकदृष्ट्या कष्ट देईल. प्रकृती जपून काम करा. दिवस मध्यम.

तुळ - शुक्र घरामध्ये मोठ्या सुधारणा घडवून आणेल. खर्च भरपूर होईल पण सुख-सोयींमध्ये वाढ होईल. कार्यक्षेत्रात नवीन संधी मिळतील. जबाबदारी येईल. संततीकडे लक्ष द्या. प्रवासात जपून रहा. दिवस चांगला.

वृश्चिक- मंगळाच्यादृष्टीने वृश्चिक व्यक्ती काहीशा तापट आणि उत्तेजीत असतील. प्रयत्न पूर्वक शांत रहा. वैवाहिक जीवनात वादळ येऊ शकते. दशम चंद्र, गृह सौख्य, नोकरी यासाठी उत्तम फळ देईल.

धनु- गुरुकृपा असली तर कुठल्याही संकटातून मार्ग निघतो, याचा प्रत्यय येईल. चतुर्थ गुरू व षष्ठ चंद्र दिवसभर घरात जास्तीचे काम देईल जवळपासचे प्रवास योग येतील. प्रकृती ठीक राहील. बंधू भेट होईल. दिवस मध्यम.

मकर- लाभ चंद्र आणि पंचम मंगळ यांच्या उपस्थितीमुळे एक प्रकारचा आत्मविश्वास मिळेल. कला प्रकारात रुची निर्माण करेल. प्रवास योग येतील. संतती आणि जोडीदारासोबत आनंदाने दिवस घालवाल.

कुंभ- शनीप्रधान असलेली कुंभ रास, आज गुरू चंद्र नवं पंचम योगामुळे संततीसंबंधी घडामोडी निर्माण करणार आहे. प्रकृती जपा. नातेवाईक भेट होईल. लिखाणामध्ये यश मिळेल. आर्थिक लाभ होतील. व्यवसाय नोकरीसाठी मध्यम दिवस.

मीन - राशी स्वामी स्वराशीत आहे. गुरूच्या उपस्थितीमुळे सामाजिक जीवनात अनेक गोष्टींमुळे प्रसिद्धी, असा हा काळ आहे. मात्र वैवाहिक जीवनात कष्ट होईल. अध्यात्मिक अनुभव येतील. दिवस मध्यम. शुभ भवतू!!