हवामान विभागाने दिलेल्या माहितीनुसार, आज अनेक ठिकाणी ढगाळ वातावरण असेल. तर आजही काही ठिकाणी पाऊस पडण्याची शक्यता आहे. दरम्यान, तीन दिवसांपूर्वी विदर्भातील गोंदिया जिल्ह्यात अनेक ठिकाणी वादळी वाऱ्यासह गारपीटीनं नागरिकांना झोडपून काढलं होतं. वादळी वाऱ्यासह पाऊस आणि गारपीटमुळे शेतकऱ्यांच्या शेतातील हळद, पालेभाज्या आणि पपईसह फळबागांचं मोठं नुकसान झालं आहे. दरम्यान, 1 मार्चपासून हवामान खराब असेल असा अंदाज हवामान तज्ज्ञांकडून व्यक्त करण्यात आला आहे. येत्या 24 तासांत मध्य प्रदेशातील बर्याच शहरांमध्ये पाऊस पडण्याची शक्यता आहे, तर 1 ते 2 मार्चनंतरही हा पाऊस कायम राहिल. पुढील 24 ते 48 तासांमध्ये बर्याच राज्यांचे हवामान बदलू शकेल. मुख्यतः बिहार, झारखंड, पश्चिम बंगाल आणि ओडिशामध्ये गडगडाटी ढगांसह पावसाला सुरुवात झाली आहे. स्कायमेटचा अंदाज आहे की, जम्मू-काश्मीर, हिमाचल, लडाख, उत्तराखंडसह उत्तर भागात पंजाब, हरियाणा, दिल्ली, राजस्थान आणि उत्तर प्रदेशात पाऊस पडण्याची शक्यता आहे. यासह मध्य प्रदेशातही पाऊस पडण्याची शक्यता आहे.नाशिक जिल्ह्यात गारपीटसह अवकाळी पावसाचा तडाखा pic.twitter.com/danzWHiTO3
— News18Lokmat (@News18lokmat) February 29, 2020
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.