)
बिहार, 12 एप्रिल : कोरोनाच्या दहशतीमुळे संपूर्ण देशात लॉकडाऊन करण्याची वेळ आली. रस्त्यावर चोवीस तास पोलिसांचा फौजफाटा आहे. पण अशात गुन्ह्यांचे आणि महिला अत्याचाराचे प्रकार काही थांबण्याचं नाव घेत नाहीत. असाच एक लाजीरवाणा प्रकार समोर आला आहे. कोरोना वॉर्डमध्ये दाखल झालेल्या महिलेच्या मृत्यूनंतर आरोग्य कर्मचार्‍यावर बलात्काराचा आरोप कुटुंबियांनी केला आहे. कुटुंबीयांच्या म्हणण्यानुसार, महिलेवर दोन दिवस बलात्कार करण्यात आला आहे. मिळालेल्या माहितीनुसार, बिहारमधील गयाच्या अनुग्राह नारायण मगध मेडिकल कॉलेज व रुग्णालयात (एएनएमएमसीएच) महिलेला उपचारासाठी दाखल केले होते. इथे एका आरोग्य कर्मचाऱ्याने महिलेवर सलग दोन दिवस बलात्कार केल्याचा आरोप आहे. जेव्हा गरोदर महिला रुग्णालयातून बाहेर पडली आणि घरी पोहचली तेव्हा तिला तीव्र रक्तस्त्राव झाला आणि यामुळे तिचा मृत्यू झाला. या प्रकरणात महिलेच्या सासूने रोशनगंज पोलीस ठाण्यात तक्रार दाखल केली असून, त्या आधारे एफआयआर दाखल करण्यात आला आहे. या प्रकरणाची चौकशी करण्यासाठी आयड रुग्णालयाचे अधीक्षक डॉ.विजय कृष्णा प्रसाद यांनी एकत्र येऊन चौकशी केली आहे. महिला कोरोना आयसोलेशन वॉर्डमध्ये होती पोलिसांनी दिलेल्या माहितीनुसार, 25 मार्च रोजी ही महिला लुधियानाहून आपल्या पतीसमवेत आली होती. येथे आल्यानंतर त्यांना 27 मार्च रोजी मेडिकल कॉलेजच्या इमर्जन्सी वॉर्डमध्ये दाखल केले. महिलेने दोन दिवस कोरोनाची चिन्हे दर्शविली, त्यानंतर तिला अलगाव वॉर्डमध्ये हलविण्यात आले. या महिलेचीही कोरोना टेस्ट झाली होती आणि अहवालही नकारात्मक होता. त्यानंतर महिलेला रुग्णालयातून सोडण्यात आले. पण दुसर्‍याच दिवशी तिचा मृत्यू झाला. आरोग्य कर्मचार्‍याने दोन दिवस केला बलात्कार मृत महिलेच्या सासूने सांगितले की, रुग्णालयाच्या कोरोना वॉर्डातील एका आरोग्य कर्मचाऱ्याने दोन दिवस तिच्या सूनेवर बलात्कार केला. यामुळे, तिच्या पोटातील मूल खराब झाले आणि जास्त रक्तस्त्रावामुळे तिचा मृत्यू झाला. सासूच्या म्हणण्यानुसार, कोरोना वॉर्डमध्ये आलेल्या एका आरोग्य कर्मचार्‍याने तिच्यावर बलात्कार केल्याची खबर सूनने दिली होती. सासू म्हणाली की, माझी सून याबद्दल तक्रार करणार होती, तेव्हा इस्पितळातील गेटमॅनने तिला इज्जतीची भीती दाखवली. ती घाबरली आणि तिने तक्रार केली नाही. घरी आल्यानंतर ती वारंवार आरोग्य कर्मचार्‍याच्या चुकीच्या वागण्याचा उल्लेख करत होती. सासू म्हणाल्या की, माझी सून व तिच्या जन्मलेल्या बाळाच्या मृत्यूला जबाबदार आरोग्य कर्मचारी आहे. माझ्या सूनला कोरोना वॉर्डात पाठवलं नसतं तर असं झालं नसतं. संपादन - रेणुका धायबर
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
