)
श्रीनगर, 11 एप्रिल : शुक्रवारी सकाळी काश्मीरच्या कुपवाडा सेक्टरमध्ये नियंत्रण रेषेकडे लष्कराने दहशतवादी लॉन्चिंग पॅड आणि शस्त्र तळांवर जोरदार गोळीबार केला. याच भागात रविवारी पॅरा कमांडो आणि घुसखोर यांच्यात चकमकी झाली. चकमकीत सैन्याने पाच घुसखोरांना ठार केले. पण या कारवाईत आपले पाच पॅरा कमांडो शहीद झाले. आज भारतीय लष्कराने याचा बदला घेतला आहे. सैन्याने बोफोर्स तोफ डागली सैन्याने पाकच्या भागात बोफोर्स तोफखाना डागला. यात 105 मिमी फील्ड गन आणि बोफोर्स वापरण्यात आले. या गोळीबारात पाकिस्तानमधील दहशतवादी आस्थापनांचे प्रचंड नुकसान झाले. पाकिस्तानकडून गोळीबारानंतर ही कारवाई सुरू झाली. पाकिस्तान सैन्याने कुपवाड्यात नियंत्रण रेषेला लागून असलेल्या भारतीय खेड्यांमधील निवासी भागांना लक्ष्य केले. यामुळे खेड्यांमध्ये भीतीचे वातावरण पसरले.
दरम्यान, भारताने ड्रोन विमानाच्या मदतीने या हल्ल्याचा व्हिडीओ शूट केला. आम्ही फक्त तुम्हाला मारणारच नाही, तर कसे मारतो ते संपूर्ण जगाला दाखवणार हा स्पष्ट संदेश भारताने या कारवाईतून दिला आहे. युद्धबंदीच्या उल्लंघनाचे वाढते प्रकरण पाकिस्तानकडून युद्धबंदीच्या घटनांमध्ये वाढ झाली आहे . 2019 मध्ये 3 हजार 479 वेळा युद्धबंदी तुटली होती. 2003 ची युद्धबंदी लागू झाल्यानंतर ही कोणत्याही वर्षाचा सर्वात मोठा हल्ला आहे. त्याचबरोबर यावर्षी आतापर्यंत 2003 युद्धबंदीचे उल्लंघन झाले आहे. जानेवारी ते मार्च या कालावधीत पाकिस्तानने 1 हजार 160 वेळा युद्धबंदी तोडली होती, तर गेल्या वर्षी याच काळात पाकिस्तानने 685 वेळा युद्धबंदी तोडली होती.
+6
फोटो
