Home /News /national /

UP Assembly Elections 2022: प्रचारादरम्यान ढसाढसा रडल्या BJP आमदार, म्हणाल्या...

UP Assembly Elections 2022: प्रचारादरम्यान ढसाढसा रडल्या BJP आमदार, म्हणाल्या...

Uttar Pradesh Assembly Elections 2022: उत्तर प्रदेश विधानसभा निवडणुकीस 10 फेब्रुवारी ते 7 मार्च या कालावधीत 7 टप्प्यात मतदान होणार आहे.

    लखनऊ, 03 फेब्रुवारी: उत्तर प्रदेश विधानसभा निवडणुकीसाठी (Uttar Pradesh Assembly Elections) 10 फेब्रुवारी ते 7 मार्च या कालावधीत 7 टप्प्यात मतदान होणार आहे. मतदानाला आता कमी वेळ शिल्लक असल्याने सर्वच राजकीय पक्षांनी मतदारांना आपलंसं करण्यासाठी कंबर कसली आहे. उमेदवारही मतदारांना आकर्षित करण्यात कोणतीही कसर सोडत नाहीत. त्यासाठी रोज नवनवीन पद्धतीही अवलंबल्या जात आहेत. हरदोई जिल्ह्यातील शहााबाद विधानसभा मतदारसंघातील (Hardoi district's Shahabad assembly constituency,) भाजपच्या आमदार (BJP MLA) आणि पक्षाच्या उमेदवार रजनी तिवारी (Rajni Tiwari) एका कार्यक्रमात इतक्या भावूक झाल्या की त्या बोलत असताना रडल्या. चुकीसाठी माफ करा शाहाबाद येथे कार्यकर्ता परिषदेचे आयोजन करण्यात आले होते. यावेळी लोकांना संबोधित करताना रजनी तिवारी रडल्या. त्या रडल्या आणि म्हणाल्या की इथे बाहेरचा कोणी बसलेला नाही. तुम्ही सर्व आमच्या कुटुंबातील सदस्य आहात. येथे बैठक नाही. माझ्याकडून झालेल्या चुकांसाठी मला माफ कर. भविष्यात माझ्याकडून चुका झाल्या तर मला सोडू नका. विरोधकांनी सोशल मीडियावर माझ्याविरोधात लिहिलं तर चालेल, पण स्वत:ची लोकांनी लिहिलं तर ते सहन होत नाही. भाजप हे माझे कुटुंब आहे रजनी तिवारी म्हणाल्या की, मी बाहेरची नाही. भाजप हे माझे कुटुंब आहे. जोपर्यंत जीव आहे तोपर्यंत मी या पक्षात असेन. स्त्रीचे अश्रू ही कमजोरी नसून ती तिची शक्ती बनतात. तिने जे काही काम करायचे ठरवले ते पूर्ण करते. संपूर्ण कार्यकाळात अनेक विकासकामे केली, जी काही राहिली त्याबद्दल मी माफी मागते. रजनी तिवारी यांनी बीएसपी सोडून 2017 मध्ये भाजपमध्ये प्रवेश केला होता आणि शाहाबादमधून निवडणूक जिंकली होती. यूपीमध्ये 403 जागांसाठी निवडणूक होणार उत्तर प्रदेशमध्ये विधानसभा निवडणुकीत 403 जागांसाठी मतदान होणार आहे. या अंतर्गत 10 फेब्रुवारी, 14 फेब्रुवारी, 20 फेब्रुवारी, 23 फेब्रुवारी, 27 फेब्रुवारी, 3 मार्च आणि 7 मार्च रोजी मतदान होणार आहे. 10 मार्च रोजी निवडणुकीचा निकाल जाहीर होणार आहे. या विधानसभेची मुदत 15 मे रोजीपर्यंत आहे. 2017 च्या यूपी विधानसभा निवडणुकीत भाजपला 312 जागा मिळाल्या होत्या. त्याचवेळी समाजवादी पक्ष आणि काँग्रेसच्या युतीला केवळ 54 जागा मिळू शकल्या. तर, बसपा 19 जागांवर घसरला.
    Published by:Pooja Vichare
    First published:

    Tags: BJP

    पुढील बातम्या