पाटणा, 02 सप्टेंबर: बिहारमधील (Bihar) राष्ट्रीय जनता दलाचे (RJD) प्रदेशाध्यक्ष जगदानंद सिंह (Jagdanand Singh) यांनी केलेल्या वादग्रस्त विधानामुळे एकच खळबळ उडाली आहे. सिंह यांनी राष्ट्रीय स्वयंसेवक संघावर (RSS)टीकास्त्र सोडलं आहे. राष्ट्रीय स्वयंसेवक संघ हा तालिबानी विचारसणीचा असल्याचं त्यांनी म्हटलं आहे. जगदानंद सिंह यांनी आरएसएसची तुलना थेट तालिबानसोबत केल्यानं आता नवा निर्माण होण्याची शक्यता आहे.
#WATCH | "....Taliban is not a name but a culture in Afghanistan and in India this RSS (Rashtriya Swayamsevak Sangh) is Talibani, nothing else...," says Jagdanand Singh, Bihar state president, Rashtriya Janata Dal (RJD) in Patna (31.08) pic.twitter.com/PzKO8VcaDg
— ANI (@ANI) September 1, 2021
अफगाणिस्तानमध्ये तालिबान जे काम करत आहे तेच काम भारतात RSS करत असल्याची बोचरी टीका जगदानंद यांनी केली आहे. पाटण्यातील पक्ष पक्ष कार्यालयामध्ये कार्यकर्त्यांना संबोधित करताना केलेल्या भाषणात जगदानंद यांनी हे वादग्रस्त विधान केलं आहे. या वादग्रस्त विधानाचा व्हिडिओही समोर आला आहे.
नफ़रती सोच के फ़र्ज़ी राष्ट्रवादी और कट्टर जातिवादी संगठन RSS के तालिबानी लोग गरीब चूड़ी बेचने वाले, ठेला-रेहड़ी लगाने वाले, फेरी लगाने वालों को पींटते है। RSS के तालिबानी लोगों का जोर असहाय-असमर्थ तथा गरीब-मज़लूम लोगों पर ही चलता है। गरीब का बल राष्ट्रीय जनता दल https://t.co/33Yrm6mvjq
— Rashtriya Janata Dal (@RJDforIndia) September 1, 2021
तालिबान हे नाव नसून एक संस्कृती आहे जी अफगाणिस्तानमध्ये आहे. आरएसएस हे भारतामधील तालिबानी आहेत. दोन्ही सारख्याच गोष्टी आहेत. RSS भारतातील तालिबान, बांगड्या विकणाऱ्यांना, पंक्चर काढणाऱ्यांना मारहाण करतात, असा जोरदार हल्लाबोल त्यांनी केला आहे. तसंच आपल्याला या लोकांना थांबवायला हवं. त्यांच्याविरोधात आपण पुढे येणं गरजेचं असल्याचंही त्यांनी कार्यकर्त्यांना म्हटलं आहे. जगदानंद यांच्या या वक्तव्यावरुन नवीन वाद निर्माण होण्याची शक्यता आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.