अयोध्येच्या राम मंदिराचं काम वेगात सुरू; पाहा Exclusive VIDEO; भक्तांसाठी खुलं कधी होणार? वाचा

अयोध्या, 4 ऑगस्ट : देशातील कोट्यवधी भाविकांचं श्रद्धास्थान असलेलं अयोध्येतील (Ayodhya) राममंदिर (Ram Temple) 2023 च्या वर्षाअखेर खुलं (Open) होणार आहे. सूत्रांनी दिलेल्या माहितीनुसार राममंदिराचं बांधकाम वेगाने सुरू असून 2023 मध्ये या मंदिराच्या गाभाऱ्याचं काम पूर्ण होण्याचं उद्दिष्ट ठेवण्यात आलं आहे. मंदिराचं पूर्ण बांधकाम जरी झालं नाही, तरी गाभाऱ्यात येऊन भाविकांना प्रभू रामचंद्राचं दर्शन घेणं शक्य होणार आहे. निवडणुका आणि मंदिराचा मुहूर्त उत्तर प्रदेशमध्ये पुढच्या वर्षी म्हणजेच 2022 मध्ये विधानसभेच्या निवडणुका आहेत. त्यापूर्वीच याची अधिकृत घोषणा करण्यात येण्याची शक्यता आहे. तर लोकसभा निवडणुकीपूर्वी भाविकांसाठी हे मंदिर खुलं होणार आहे. 2024 साली देशात लोकसभा निवडणुका होणार असून त्यापूर्वी हे मंदिर खुलं केल्याचा मोठा राजकीय फायदा भाजपला होईल, असं मानलं जात आहे.

अयोध्येच्या राम मंदिराचं काम कसं सुरू आहे? पाहा राममंदिर साइटच्या आतली EXCLUSIVE दृश्य... निर्धारित तारखेच्या आधीच राम मंदिर भक्तांसाठी खुलं व्हायची शक्यता आहे. #Ayodhya #RamMandir pic.twitter.com/RCuJcuwxM7

— News18Lokmat (@News18lokmat) August 4, 2021

मंदिराचं काम पूर्ण व्हायला 2025 साल उजाडणार असून 67 एकर परिसरात रामाचं भव्य मंदिर साकारण्याची प्रक्रिया सुरू आहे. मंदिराचं प्रवेशद्वार पूर्वेकडे असावं, असं नियोजन होतं. मात्र पूर्वेकडील जमीन कमी असल्यामुळे मंदिर प्रशासनाने जमीन खरेदी करण्याचा निर्णय घेतला. या जमिनीसह आता 110 एकर परिसरात मंदिर कॉम्प्लेक्स उभं राहणार असून त्यासाठी 900 ते 1000 कोटींचा खर्च अपेक्षित आहे. हे वाचा -श्रीमंत सासूने केला गरीब जावयाचा खून मंदिर परिसरात संग्रहालय अयोध्येतील राममंदिर परिसरात संग्रहालय आणि संशोधन केंद्रदेखील उभारण्यात येणार आहे. त्याशिवाय प्रशासकीय इमारत, गेस्ट हाऊस, संतमहंतांचं निवासस्तान आणि प्रसादगृह यांची उभारणी केली जात आहे. याशिवाय कुबेर महाल, सीता कुंड यासारख्या रचनादेखील साकारल्या जाणार आहेत. भूमीपूजनाची वर्षपूर्ती राममंदिराच्या भूमीपूजनाची वर्षपूर्ती 5 ऑगस्टला होत आहे. त्यानिमित्तानं अयोध्येत विशेष कार्यक्रमाचं आयोजन करण्यात आल्याची माहिती आमदार वेद प्रकाश गुप्ता यांनी दिली आहे. रामाच्या दर्शनाला येणाऱ्या भाविकांना मंदिराच्या कार्याचा आढावा घेता यावा, यासाठी एक व्ह्यू पॉइंटही तयार केला जाणार आहे.