मोठी बातमी! कर्जबुडव्या नीरव मोदीला भारतात आणण्याचा मार्ग अखेर मोकळा, ब्रिटीश कोर्टाचा प्रत्यार्पणाला होकार

लंडन, 25 फेब्रुवारी : भारतात कोट्यवधी रुपयांचा गैरव्यवहार करून विदेशात पळून गेलेला हिरे व्यापारी नीरव मोदीला भारताच्या स्वाधीन करायला अखेर ब्रिटनच्या न्यायालयाने परवानगी दिली आहे. UK च्या न्यायालयाने (UK court orders extradiction Nirav Modi) नीरव मोदीच्या याचिकेवर सुनावणी करताना भारत सरकारच्या बाजून निर्णय घेत त्याच्या प्रत्यार्पणाला होकार दिला आहे.

भारतातल्या बँकांचं हजारो कोटींचं कर्ज बुडवून नीरव मोदी फरार झाला होता. त्याच्यावर ED ने देखील अनेक आर्थइक गुन्हे दाखल केले आहेत. आर्थिक गुन्ह्याचा आरोप असल्याने त्याची 329.66 कोटींची संपत्ती जप्त करण्यात आलेली आहे. यात त्याची मुंबईची मालमत्ता, आलिशान फ्लॅट याचाही समावेश आहे.

ब्रिटेन के जज ने नीरव मोदी के भारत प्रत्यर्पण का आदेश दिया। pic.twitter.com/wXsz2isFl0

— ANI_HindiNews (@AHindinews) February 25, 2021

पंजाब नॅशनल बँकेचे 14 हजार कोटी रुपये बुडवून नीरज मोदी परदेशात पळून गेला. तेव्हापासून ED त्याच्या मागे आहे. ब्रिटनमध्ये तो आश्रयाला गेला होता. त्याचं प्रत्यार्पण करावं यासाठी भारत प्रयत्नशील होता.

आर्थर रोड जेलमध्येच होणार मोदीची रवानगी

प्रत्यार्पण केल्यानंतर नीरव मोदीची रवानगी मुंबईच्या आर्थर रोड कारागृहात केली जाणार आहे. PNB घोटाळा प्रकरणाचा तपास पूर्ण होईपर्यंत त्याला आर्थर रोड तुरुंगात राहावं लागणार आहे. ब्रिटीश न्यायमूर्तींनी त्याबाबतही निर्णय दिला आहे. मुंबईच्या आर्थर रोड जेलमधलं कोठडी क्रमांक 12 (Barrack 12 at Arthur Road Jail) नीरव मोदीसाठी योग्य असल्याचा निर्वाळा ब्रिटीश जजनी दिला आहे.