अरुण जेटली अनंतात विलीन; मुलाने दिला मुखाग्नी!

नवी दिल्ली, 25 ऑगस्ट : देशाचे माजी केंद्रीय अर्थमंत्री आणि भाजपचे ज्येष्ठ नेते अरुण जेटली यांचं शनिवारी (24 ऑगस्ट) निधन झालं. एम्स रुग्णालयात दुपारी 12.07 वाजता त्यांनी अखेरचा श्वास घेतला. ते 66 वर्षांचे होते. जेटली यांनी आपल्या कार्यकाळात नोटाबंदी आणि जीएसटी यांसारखे महत्त्वपूर्ण निर्णय अंमलात आणले.  श्वसनाचा त्रास होऊ लागल्यानं 9 ऑगस्ट रोजी त्यांना दिल्लीतील एम्स रुग्णालयात दाखल करण्यात आलं होतं. पण उपचारादरम्यान त्यांच्या प्रकृतीत कोणतीच सुधारणा होत नव्हती आणि शनिवारी त्यांनी अखेरचा श्वास घेतला. दिल्लीतील निगम बोध घाट येथे मुलगा रोहन यांच्या मुलाने अरुण जेटली यांना मुखाग्नी दिला.