)
इंदूर, 28 फेब्रुवारी : राष्ट्रीय तपास यंत्रणेच्या अलर्टनंतर इंदूर पोलिसांनी संशयित दहशतवादी सरफराज मेमनला ताब्यात घेतले आहे. त्याची चौकशी सुरू आहे. सर्फराजची चौकशी करण्यासाठी मुंबई एटीएसचे पथकही इंदूरला पोहोचणार आहे. 12 वर्षे हाँगकाँगमध्ये राहणारा सरफराज पाकिस्तान आणि चीनमधून दहशतवादी प्रशिक्षण घेऊन परतला असल्याचे सुरक्षा यंत्रणांनी सांगितले. सर्फराज भारतात मोठा हल्ला करण्याची योजना आखत होता. एनआयएने सर्फराजबद्दलची गुप्तचर माहिती ईमेलद्वारे मुंबई पोलिसांना पाठवली होती. त्यात सर्फराजचा पासपोर्ट, आधार कार्ड आणि फोटो होता. त्याला धोकादायक दहशतवादी म्हटले गेले होते. इंटेलिजन्स इनपुट मिळाल्यानंतर, मुंबई एटीएसने कारवाई केली आणि इंदूरच्या इंटेलिजन्स डीसीपी रजत सकलेचा यांना सरफराबद्दल माहिती दिली की सरफराज इंदूरच्या चंदन नगर पोलीस स्टेशन हद्दीतील ग्रीन पार्क कॉलनीच्या फातमा अपार्टमेंटमध्ये राहतो. चंदननगर पोलीस स्टेशन त्याच्या घरी पोहोचल्यावर आधी त्यांनी त्याच्या आई-वडिलांना ताब्यात घेतले. त्यानंतर रात्री उशारा तो स्वत: पोलीस ठाण्यात हजर झाला. तो अनेकदा वेगवेगळ्या देशांमध्ये फिरतो. अनेक राज्यांमध्ये त्याचा ठावठिकाणा असल्याची माहितीही मिळाली आहे. तपास यंत्रणांच्या अधिकाऱ्यांनी सरफराजची चौकशी केली असता त्याने सांगितले की, त्याच्या बहिणीचा ब्रेन हॅमरेजने मृत्यू झाल्यानंतर तो मानसिकदृष्ट्या अस्वस्थ झाला होता आणि व्यवसायानिमित्त तो हाँगकाँगला गेला होता. तेथे 12 तो वर्षे होता. पासपोर्टमधील नोंदीवरून धक्कादायक खुलासे सरफराजच्या पासपोर्टमध्ये हाँगकाँग आणि चीनमध्ये जाण्यासाठी 15 एंट्री आहेत. 2007 मध्ये सरफराज इंदूरच्या खजराना भागात राहत होता. त्यानंतर घर विकून तो ग्रीन पार्क कॉलनीत आला. त्याच्या पासपोर्टची 2016 पूर्वीची नोंद पोलिसांकडे नाही. त्याच्या काही गोष्टींबाबत अजूनही शंका आहे. त्यामुळे मुंबई एटीएसला चौकशीसाठी बोलावण्यात आले आहे. त्याचे बँक खाते आणि फोन नंबर तपासले जात आहेत. सरफराजला चंदन नगर परिसरात गुप्त ठिकाणी ठेवण्यात आले आहे. काही प्रश्नांची स्पष्ट उत्तरे तो सध्या देत नाहीये. चौकशीत सहभागी असलेल्या एका अधिकाऱ्याच्या म्हणण्यानुसार, 2020 मध्ये केंद्रीय गृहमंत्री अमित शाह यांचे ट्विटर अकाउंट हॅक करून गंभीर आजाराची अफवा पसरवली गेली होती, या प्रकरणात सरफराजचाही हात होता. त्याच्यावर गुजरातमध्ये गुन्हा दाखल करण्यात आला होता. वाचा - पाकिस्तानात लपलेल्या दाऊदच्या मुसक्या आवळण्याची तयारी; NIA टीम दुबईला पोहोचली वडिलांच्या दुसऱ्या लग्नाचा राग सरफराजची मोबाईल शॉपी असून, तेथे तो परदेशातून स्वस्त दरात मोबाईल खरेदी करून येथे चढ्या भावाने विकतो, अशीही माहिती मिळाली आहे. कधी तो कोलकात्यात तर कधी मुंबईत राहतो. आईच्या मृत्यूनंतर वडिलांनी दुसरे लग्न केले. याचा राग सरफराज आणि त्याच्या दोन भावांना असल्याचे सांगण्यात येत आहे. हे सर्व वेगवेगळ्या ठिकाणी राहतात. पोलिसांच्या चौकशीत अनेक महत्त्वाचे खुलासे होण्याची शक्यता आहे.
अनेक राज्ये निशाण्यावर होती सरफराज मेमनच्या निशाण्यावर अनेक राज्ये होती. संबंधित राज्यांच्या पोलिसांनाही सतर्क करण्यात आले आहे. मध्य प्रदेशचे गृहमंत्री नरोत्तम मिश्रा यांनी सांगितले की, सरफराजला इंदूर पोलिसांनी ताब्यात घेतले आहे. मध्यप्रदेशात कायद्याचे राज्य आहे, येथे संशयास्पद कारवायांमध्ये गुंतलेल्या कोणत्याही व्यक्तीला सोडले जाणार नाही. पोलीस पूर्ण गांभीर्याने तपास करत असून तपासानंतर जे काही तथ्य समोर येईल त्या आधारे कठोर कारवाई करण्यात येईल, असे त्यांनी सांगितले.
+6
फोटो
