BREAKING : लग्न समारंभ, मेळावे पुढे ढकला, कोरोनासंदर्भात IMA कडून मार्गदर्शक सूचना जारी

मुबई, 22 नोव्हेंबर : वेगवेगळ्या देशांमध्ये कोविड प्रकरणांची अचानक वाढ होत असताना, इंडियन मेडिकल असोसिएशनने लोकांना काळजी घेण्याचे आवाहन केले आहे. यूएसए, जपान, दक्षिण कोरिया, फ्रान्स आणि ब्राझील यांसारख्या प्रमुख देशांमध्ये गेल्या 24 तासांत जवळपास 5.37 लाख नवीन प्रकरणे नोंदवली गेली आहेत. गेल्या 24 तासांत भारतात 145 नवीन प्रकरणे नोंदली गेली आहेत, त्यापैकी चार रुग्ण हे BF.7 हे कोरोनाच्या नवीन व्हेरिएंटची आहेत. तसेच या संदर्भात आयएमएने कोरोनाबाबत नवीन मार्गदर्शिका जारी केली आहे.

सध्या परिस्थिती चिंताजनक नाही आणि त्यामुळे घाबरून जाण्याची गरज नाही. उपचारापेक्षा काळजी घेणे चांगले आहे. म्हणून, सर्वांना सूचित करण्यात येत आहे की, आगामी काळात कोविड प्रादुर्भावावर मात करण्यासाठी खालील आवश्यक पावले उचलावीत.

आयएमएच्या नवीन मार्गदर्शिकेत काय -

1. प्रत्येकाने सार्वजनिक ठिकाणी मास्क घालावे, असे आवाहन आयएमएने केले आहे

2. साबणाने हात धुवा, सॅनिटायझर वापरा

3. IMA ने सामाजिक अंतर पाळण्यास सांगितले.

4. सार्वजनिक मेळावा टाळण्याच्या सूचना आयएमएने केल्या आहेत.

5. शक्य असल्यास आंतरराष्ट्रीय प्रवास टाळा.

6. सर्दी, खोकला, सर्दी यांसारख्या लक्षणांसाठी चाचणी घ्या

7. लग्न समारंभ, मेळावा पुढे ढकलण्यात यावा, असे आवाहन आयएमएने केले आहे.

सार्वजनिक तसेच खाजगी क्षेत्रातील मजबूत पायाभूत सुविधा, समर्पित वैद्यकीय मनुष्यबळ, सरकारकडून सक्रिय नेतृत्व समर्थन आणि पुरेशी औषधे आणि लसींची उपलब्धता यामुळे भारत भूतकाळातील कोणत्याही परिस्थितीचे व्यवस्थापन करण्यास सक्षम असेल.

2021 मध्ये दिसणाऱ्या अशा कोणत्याही परिस्थितीसाठी आपत्कालीन औषधे, ऑक्सिजन पुरवठा आणि रुग्णवाहिका सेवा उपलब्ध करून देण्यासाठी संबंधित मंत्रालये आणि विभागांना आवश्यक निर्देश जारी करून तयारी वाढवावी, असे आवाहन इंडियन मेडिकल असोसिएशनने सरकारला आवाहन केले आहे.

हेही वाचा - Fact Check : खोकला नाही, ताप नाही; ही आहेत नव्या कोरोना विषाणूची लक्षणं?

इंडियन मेडिकल असोसिएशनने त्यांच्या राज्य आणि स्थानिक शाखांना त्यांच्या भागात कोविडचा उद्रेक झाल्यास आवश्यक तयारीची पावले उचलण्यासाठी मार्गदर्शक तत्त्वे जारी केले आहेत. तसेच IMA त्‍याच्‍या सर्व सदस्‍यांना प्रादुर्भावाचा सामना करण्‍यासाठी भूतकाळाप्रमाणे सक्रियपणे काम करण्‍याचे आवाहन केले आहे.