एका गोष्टीमुळे अमित शहांनी पुन्हा जिंकली काश्मिरी जनता; त्या VIDEOची मोठी चर्चा

श्रीनगर, 25 ऑक्टोबर : गृहमंत्री अमित शहा (Home Minister Amit Shah ) हे सध्या जम्मू-काश्मिर दौऱ्यावर आहेत. 370 कलम रद्द केल्यानंतर गृहमंत्री अमित शहा पाहिल्यांदाच जम्मू-काश्मिरच्या दौऱ्यावर (Home Minister Amit Shah visit to Jammu and Kashmir) आहेत. या दौऱ्यादरम्यान त्यांनी अनेक ठिकाणी भेटी दिल्या. दरम्यान अमित शहा श्रीनगरमध्ये संबोधित करणार होता. व्यासपीठावर गेल्यानंतर सर्वात आधी त्यांनी वक्त्याच्या समोर असलेली bullet proof काच हटवण्यास सांगितली. काश्मीरच्या जनतेप्रती त्यांचा असलेला विश्वास आणि काश्मीरची परिस्थिती बदलण्यासाठी मोदी सरकारचा संकल्प दर्शवित असल्याचं मानलं जात आहे. रविवारी अमित शहा यांनी जम्मूत मोठ्या जनसभेला संबोधित केलं. (in Jammu kashmir amit shah asked to remove the bullet proof glass in front of the speaker) यानंतर गृहमंत्री आरएस पुरा सेक्टरमध्ये भारत-पाक बॉर्डरच्या शेवटच्या पोस्टवर पोहोचले आणि सैनिकांचं मनोबल वाढवलं. यादरम्यान जम्मू-काश्मीरचे उपराज्यपाल मनोज सिन्हादेखील गृहमंत्र्यांसोबत होते. बीएसएफ जवानांची भेट घेतल्यानंतर त्यांना भेटवस्तूदेखील दिल्या. इतकच नाही तर गृहमंत्र्यांनी स्थानिक नागरिकांसह चहाचा आस्वाद घेतला.

काश्मीरच्या दौऱ्यादरम्यान गृहमंत्री अमित शहा यांनी व्यासपीठावर गेल्यानंतर सर्वात आधी bullet proof काच हटवण्यास सांगितली. pic.twitter.com/a5OtAuKop2

— News18Lokmat (@News18lokmat) October 25, 2021

दरम्यान जम्मू आणि काश्मीरमधील सुरनकोट (पुंछ) आणि राजौरी जिल्ह्यातील थानामंडीच्या शेजारील वनक्षेत्रात गेल्या 15 दिवसांपासून भारतीय जवान आणि दहशतवाद्यांमध्ये चकमक सुरू आहे. काही काळ गोळीबार थांबल्यानंतर, आज सकाळपासून मेंढरच्या भट्टा दुरियन जंगलात पुन्हा गोळीबार सुरू (firing resume on 15th day of search operation) झाला. याठिकाणी भारतीय सैन्यांकडून मोठ्या प्रमाणावर शोध मोहीम सुरू आहे.11 आणि 14 ऑक्टोबर रोजी सुरनकोट आणि मेंढर परिसरात झालेल्या वेगवेगळ्या हल्ल्यात एकूण नऊ लष्करी जवान शहीद झाले होते. यानंतर आता गेल्या पंधरा दिवसांपासून संबंधित ठिकाणी भारतीय जवान शोध मोहीम राबवत आहेत.