शेतकरी आंदोलनातला आणखी एक धक्कादायक VIDEO: महिला पोलिसावर हल्ल्याचा प्रयत्न

नवी दिल्ली 26 जानेवारी: कृषी कायद्यांविरोधात (Farm Laws) सुरू असलेल्या शेतकरी आंदोलनाला (farmers protest) आता हिंसक वळण प्राप्त झालं आहे. आज होणाऱ्या ट्रॅक्टर रॅलीदरम्यान (Kisan Tractor Rally)पोलीस आणि आंदोलक शेतकरी यांच्यात झटापटही झाली आहे. दरम्यान, यावेळी आंदोलक शेतकऱ्यांनी एका महिला पोलीस कर्मचारीवर ( delhi police)लाठी हल्ला केला आहे. या घटनेचा व्हिडिओ समोर आला आहे.

दिल्लीत शेतकरी आंदोलनाने हिंसक वळण घेतलं. त्याच वेळी हा एक VIDEO व्हायरल झाला आहे. काही जण हातात लाठ्या-काठ्या घेऊन रस्त्यावर उतरले आहेत आणि कडेने जाणाऱ्या ट्रॅफिक पोलिसाला काठ्यांनी मारत असल्याचं यात दिसतं. महिला पोलीस कर्मचारीही त्या पोलिसांबरोबर दिसत आहे. pic.twitter.com/NmoJ1nCfyI

— News18Lokmat (@News18lokmat) January 26, 2021

रॅलीदरम्यान शेतकऱ्यांनी बॅरिकेट्स तोडल्यामुळे पोलिसांनी अश्रूधुराचा वापरही केला. केंद्र सरकारच्या तीन कृषी कायद्यांना विरोध म्हणून शेतकरी प्रजासत्ताक दिनाच्या दिवशी दिल्लीत ट्रॅक्टर रॅली आंदोलन करत आहेत.

नव्या कृषी कायद्यांविरोधात दिलेल्या सीमेवर गेल्या काही दिवसांपासून आंदोलन करणाऱ्या शेतकऱ्यांनी ट्रॅक्टर मोर्चा काढला आहे. सुप्रीम कोर्टाने (supreme court) मध्यस्थी करण्यास नकार दिल्यानंतर दिल्ली पोलिसांनी मोर्चाला परवानगी दिली. कायदा सुव्यवस्थेच्या दृष्टीकोनातून दिल्लीच्या सीमेवर मोठ्या प्रमाणात पोलीस बंदोबस्त ठेवण्यात आला आहे. अनेक ठिकाणी पोलीस आणि शेतकऱ्यांमध्ये संघर्ष निर्माण झाला आहे.