भगवंत मान आज करणार मोठी घोषणा; Tweet करत म्हणाले, 'इतिहासात आजवर...'

चंदीगड, 17 मार्च: पंजाबमध्ये मुख्यमंत्रिपदाची (Chief Minister of Punjab) शपथ घेतल्यानंतर भगवंत मान (Bhagwant Mann) अॅक्शन मोडमध्ये आले आहेत. ते सातत्याने एकापाठोपाठ एक निर्णय घेत आहेत. आता त्यांनी राज्यातील जनतेसाठी मोठा निर्णय घेणार असल्याची घोषणा केली आहे. भगवंत मान यांनी ट्विट केलं आहे की, ते पंजाबच्या लोकांसाठी एक मोठा निर्णय घेणार आहेत, ज्याची घोषणा लवकरच केली जाईल.

पंजाबचे मुख्यमंत्री भगवंत मान यांनी ट्विट करून पंजाबच्या जनतेच्या हितासाठी आज मोठा निर्णय घेतला जाणार असल्याचं म्हटलं आहे. पंजाबच्या आजपर्यंतच्या इतिहासात असा निर्णय कोणी घेतला नसेल, असं त्यांनी म्हटलं आहे. मी लवकरच घोषणा करेन.

पंजाब की जनता के हित में आज एक बहुत बड़ा फ़ैसला लिया जाएगा। पंजाब के इतिहास में आज तक किसी ने ऐसा फैसला नहीं लिया होगा।

कुछ ही देर में एलान करूँगा...। — Bhagwant Mann (@BhagwantMann) March 17, 2022

भगवंत मान यांनी एक दिवसापूर्वी मुख्यमंत्रिपदाची शपथ घेतली आहे. पंजाबचे राज्यपाल बनवारीलाल पुरोहित यांनी त्यांना पद आणि गोपनीयतेची शपथ दिली. हा शपथविधी सोहळा भगतसिंग यांच्या गावी असलेल्या खटकर कलानमध्ये पार पडला. या शपथविधी सोहळ्याला दिल्लीचे मुख्यमंत्री अरविंद केजरीवाल यांच्यासह दिल्ली आपचे सर्व नेते उपस्थित होते. भगवंत मान पंजाबचे 17 वे मुख्यमंत्री बनले आहेत. कार्यकाळानुसार ते पंजाबचे 25 वे मुख्यमंत्री आहेत. मान हे संगरूरमधून दोन वेळा खासदारही राहिले आहेत.

पंजाब विधानसभा निवडणुकीत आम आदमी पक्षाने दणदणीत विजय मिळवला आहे. 117 जागांच्या पंजाबमध्ये 'आप'ने 92 जागा जिंकल्या आहेत. त्याचवेळी काँग्रेसला 18, अकाली दलाला 3 आणि भाजपला 2 जागा मिळाल्या. 'आप'ने यावेळी भगवंत मान यांच्या तोंडावर निवडणूक लढवली होती. या निवडणुकीत अनेक दिग्गजांना पराभवाला सामोरे जावे लागलं. त्यात नवज्योतसिंग सिद्धू आणि मुख्यमंत्री चरणजीत सिंग यांना आपली जागा वाचवता आली नाही.