Chandrayaan-3 launch: चांद्रयान 3 ची तयारी पूर्ण, बस्स आता काही मिनिटं शिल्लक; ISRO पुन्हा एकदा रचणार इतिहास

नवी दिल्ली 14 जुलै : बस्स…आता काही मिनिटांचा अवधी आहे आंध्र प्रदेशातील श्रीहरिकोटा येथून चांद्रयान-३ चं प्रक्षेपण होणार आहे. याआधीही भारताकडून दोनदा प्रयत्न करण्यात आले होते. यंदा मात्र चांद्रयान-३ सुरक्षितपणे चंद्रापर्यंत पोहोचेल असा विश्वास व्यक्त केला जात आहे. चंद्रावर जात असलेलं चांद्रयान -३ हे चंद्राच्या दक्षिण ध्रुवावर उतरणार आहे. आतापर्यंत या ठिकाणी कुठलेही यान पोहोचलेले नाही. त्यामुळे संपूर्ण जगभरातील शास्त्रज्ञ भारताच्या चांद्रयान- 3 मोहीमेवर लक्ष ठेवून आहेत. चांद्रयान २ मध्ये अपयश मिळाल्यानंतर भारताचा हा दुसरा प्रयत्न आहे. ही मोहीम यशस्वी झाल्यास भारत तंत्रज्ञानात किती पुढे आहे हे दाखवून देण्याची एक मोठी संधी मिळणार आहे. चांद्रयान-३ मिशनच्या प्रक्षेपणाची टाइमलाइन प्रक्षेपण - चांद्रयान 3 आज दुपारी 2 वाजून 35 मिनिटांनी प्रक्षेपित होणार आहे. 2xS200 इग्निशन - रॉकेट इंजिन 0 सेकंदात प्रज्वलित होतील. L110 इग्निशन - L110 इंजिन 108 सेकंदात प्रज्वलित होतील. 2xS200 पृथक्करण - दोन बाजूचे बूस्टर (2xS200) लॉन्च झाल्यानंतर 127 सेकंदानंतर वेगळे होतील. PLF सेपरेशन - पेलोड फेअरिंग 195 सेकंदांनी वेगळं होईल. L110 सेपरेशन - L110 इंजिन 306 सेकंदात वेगळं होतील. C25 इग्निशन - C25 इंजिन 308 सेकंदात प्रज्वलित होतील. C25 शट-ऑफ - C25 इंजिन 954 सेकंदांनी बंद होतील. उपग्रह सेपरेशन - 969 सेकंदात उपग्रह रॉकेटपासून वेगळं होईल. Chandrayan 3 Mission : चांद्रयान 3 मोहिमेआधी इस्रोची टीम बालाजीच्या दर्शनाला, अर्पण केली खास गोष्ट चंद्रापर्यंतचा प्रवास- प्रक्षेपणानंतर मॉड्यूल चंद्रावर पोहोचण्यासाठी सुमारे एक महिना अंतराळात प्रवास करेल. मून लँडिंग - इस्रोने 23-24 ऑगस्ट रोजी चंद्राच्या पृष्ठभागावर लँडिंगची योजना आखली आहे, परंतु तेथील सूर्योदयानुसार त्यात बदल होऊ शकतो. उशीर झाल्यास, इस्रो सप्टेंबरसाठी लँडिंगचं वेळापत्रक बनवू शकतं. लँडर आणि रोव्हर मिशन लाइफ - लँडर आणि रोव्हर केवळ चंद्रावरील एका दिवसासाठी (14 पृथ्वी दिवस) काम करण्यासाठी डिझाइन केलेले आहेत, कारण ते रात्रीच्या अति थंडीचा सामना करू शकत नाहीत. त्यामुळे, त्यांना पहाटेच उतरावं लागतं.

• Follow us on