)
रुली बिष्नोई, प्रतिनिधी नवी दिल्‍ली, 20 एप्रिल : पंजाबमधील मोगा जिल्ह्यातील लोहगढ येथील रहिवासी असलेले देव सिंह गेल्या 40 वर्षांपासून लॉटरीची तिकिटे खरेदी करत आहेत. एक दिवस आपले नशीब उघडेल, असा त्याला विश्वास होता. या विश्वासाने ते दरवर्षी बंपर ड्रॉसाठी तिकीट खरेदी करत होते. अखेर त्यांचा विश्वास आता सार्थ ठरला आहे आणि देवाने त्यांना 40 वर्षांनी करोडपती बनवले आहे.
रिक्षाचालक देव सिंग यांनी पंजाब राज्य लॉटरीचा 2.5 कोटी रुपयांचा बैसाखी विशेष बंपर लॉटरी जिंकली आहे. देव सिंह म्हणतात की, निसर्गावरील प्रेमामुळेच परमेश्वराने त्यांचे दिवस बदलले आहेत. विशेष बाब म्हणजे बैसाखी बंपरपूर्वी देव सिंह यांची कधीही 100 रुपयांची लॉटरी लागली नव्हती. अत्यंत गरीब असलेले देव सिंग रिक्षा चालवून आपल्या कुटुंबाचा उदरनिर्वाह करतात. देव सिंह यांनी सांगितले की, ते कमावलेले सर्व पैसे घरी खर्च करतात. त्यामुळेच त्यांनी कधी बँक खाते उघडण्याचा विचारही केला नाही. त्याच्याकडे मोबाईलही नाही. देव सिंह सांगतात की, आता ते बँक खाते उघडतील. आजवर बँक खाते न उघडण्याबाबत ते सांगतात की, रिक्षा चालवून त्यांना इतके पैसे नाही मिळत की ते कुटुंबाचा खर्च भागवल्यानंतर काही पैसे शिल्लक टाकतील. त्यामुळे जर पैसेच नाही तर बँक खाते उघडण्यात तरी काय अर्थ होता, असे ते म्हणतात. देव सिंह यांचे लोहगड परिसरात कच्चे घर आहे. चार लहान खोल्या आहेत. देव सिंह वर्षानुवर्षे रिक्षा चालवून आपल्या कुटुंबाचा उदरनिर्वाह करत आहेत. विशेष म्हणजे देव सिंह यांना दारू किंवा इतर कोणतेही व्यसन नाही. त्यांना फक्त लॉटरी खेळायची सवय आहे. याच सवयीने आज ते करोडपती बनले आहे. देव सिंह सांगतात की, ते 40 वर्षांपासून प्रत्येक खास दिवशी लॉटरीची तिकिटे खरेदी करत आहेत. पण त्यांना जिंकण्याची अपेक्षा नव्हती आणि आजपर्यंत त्यांनी कधीही 100 रुपयांचे बक्षीसही जिंकले नव्हते. देव सिंह यांचा फक्त मेहनतीवर विश्वास आहे. ते निसर्ग आणि प्राणीप्रेमी आहे. तहानलेला प्राणी दिसल्यास त्यांना पिण्यासाठी ते पाणी देतात. एखादे झाड सुकत असेल तर त्याला ते पाणी घालतात. ही सवय त्यांना लहानपणापासून आहे. त्यांच्या या सेवेमुळेच ते आज या पुरस्काराचे पात्र ठरले आहेत, असे देव सिंह सांगतात.
+6
फोटो
