नागपूरात टिकटॉक स्टारची प्रेयसीला चालत्या दुचाकीवर मारहाण; इन्स्टाग्रामवर VIDEO केला अपलोड

नागपूरात टिकटॉक स्टारची प्रेयसीला चालत्या दुचाकीवर मारहाण; इन्स्टाग्रामवर VIDEO केला अपलोड

Crime in Nagpur: सोशल मीडियावर (Social media) स्वतःला टिकटॉक स्टार (Tiktok star) म्हणवून घेणाऱ्या एका तरुणानं आपल्या अल्पवयीन प्रेयसीला धावत्या दुचाकीवर मारहाण केल्याची (Beat minor girlfriend on running bike) घटना समोर आली आहे.

  • Share this:

नागपूर, 05 जुलै: सोशल मीडियावर (Social media) स्वतःला टिकटॉक स्टार (Tiktok star) म्हणवून घेणाऱ्या एका तरुणानं आपल्या अल्पवयीन प्रेयसीला धावत्या दुचाकीवर मारहाण केल्याची (Beat minor girlfriend on running bike) घटना समोर आली आहे. आरोपी एवढ्यावर थांबला नाही, तर तिला मारहाण केल्याचा हा व्हिडीओ सोशल मीडियात व्हायरल (Viral video) केला आहे. या घटनेचा व्हिडीओ समोर येताच, गुन्हे शाखेच्या पथकानं मुख्य आरोपीसह त्याच्या आणखी एका साथीदाराला अटक (2 Arrest) केली आहे. पीडित तरुणीचे दुसऱ्यांसोबत प्रेमसंबंध (Love affair) सुरू झाल्याच्या संशयातून आरोपींनी ही मारहाण केल्याचं पोलीस चौकशीत समोर आलं आहे. या घटनेचा पुढील तपास पोलीस करत आहेत.

समीर खान सलीम खान (वय-19, पाचपावली) (Samir khan Tiktok star) आणि मोहम्मद शाकिन मोहम्मद सिद्दिकी (वय-25, यशोदानगर) असं गुन्हा दाखल झालेल्या आरोपींची नावं आहेत. दोन्ही आरोपींना नागपूर गुन्हे शाखेच्या पोलिसांनी अटक केली आहे. स्वतःला टिकटॉक स्टार म्हणवून घेत चमकोगिरी करत फिरणाऱ्या समीरचं एका अल्पवयीन मुलीसोबत मागील 2 वर्षांपासून प्रेमसंबंध सुरू होते. दरम्यान एका वाढदिवसाच्या पार्टीत समीरची प्रेयसी अन्य एका तरुणासोबत सलगी करताना दिसली.

त्यामुळे संतापलेल्या समीरनं आपल्या अल्पवयीन प्रेयसीला धडा शिकवण्यासाठी 18 जून रोजी तिचं अपहरण केलं. यासाठी त्यानं आपला मित्र शाकिनची मदत घेतली. दोघांनी अल्पवयीन पीडितेला जबरदस्तीनं दुचाकीवर बसवलं. त्यानंतर आरोपी समीरनं पीडितेला चालत्या दुचाकीवर मारहाण करण्यास सुरुवात केली. तर समीरचा मित्र शाकिननं या घटनेचा व्हिडीओ बनवला. यानंतर आरोपीनं आपल्या इन्स्टाग्राम अकाऊंटवर हा व्हिडीओ अपलोड करत तिला बदनाम करण्याचा प्रयत्न केला.

हेही वाचा-पतीला सोडून सासऱ्यासोबत थाटला तरुणीने संसार, RTI टाकल्यानंतर सिक्रेट झालं उघड

पण हा व्हिडीओ पोलिसांच्या निदर्शनास आल्यानं पोलिसांनी शनिवारी दोघांच्याही मुसक्या आवळल्या आहेत. याप्रकरणी पोलिसांनी पीडित मुलीचा जाब देखील नोंदवून घेतला आहे. फेसबुकच्या माध्यमातून आरोपीची ओळख झाल्याचं पीडित मुलीनं सांगितलं. मागील दोन वर्षांपासून आरोपीसोबत प्रेमसंबंध असल्याची माहितीही पीडितेनं पोलिसांना दिली आहे. त्याचबरोबर दरम्यानच्या काळात आरोपीनं संबंधित अल्पवयीन मुलीवर अनेकदा बलात्कार केल्याचा आरोपही पीडितेनं आपल्या तक्रारीत केला आहे. या घटनेचा पुढील तपास पोलीस करत आहेत.

Published by: News18 Desk
First published: July 5, 2021, 8:10 AM IST

ताज्या बातम्या