)
मुंबई, 5 एप्रिल : देशभरात कोरोना संक्रमण झालेल्या नागरिकांची संख्या वाढत असून महाराष्ट्रात सुद्धा परिस्थिती बिकट होत चालली आहे. अशा वेळी करोनाची चाचणी घेत तत्काळ म्हणजे 45 मिनिटात परिणाम देणारी स्वयंचलित आरएनए शुद्धीकरण प्रणाली ( Automated RNA Purification System) मशीन ही निविदा प्रक्रियेत अडकली असून तत्काळ लक्ष देण्याची मागणी आरटीआय कार्यकर्ते अनिल गलगली यांनी केली आहे. आरटीआय कार्यकर्ते अनिल गलगली यांनी मुख्यमंत्री उद्धव बाळासाहेब ठाकरे, वैद्यकीय शिक्षण मंत्री अमित देशमुख, आरोग्य मंत्री राजेश टोपे तसेच संबंधित अधिकाऱ्यांना पाठवलेल्या निवेदनात स्पष्ट केले आहे की, संपूर्ण राज्यात अश्या 10 स्वयंचलित आरएनए शुद्धीकरण प्रणाली ( Automated RNA Purification System) मशीन खरेदी करण्यासाठी हाफकिन जीव- औषध निर्माण महामंडळ ( मर्यादित) तर्फे 14 मार्च 2020 रोजी ई- निविदा जारी केल्या होत्या. ज्याचा निर्णय 27 मार्च 2020 रोजी घेण्यात येणार होता. एका मशीनसाठी अंदाजे 15 लाख रुपये खर्च आहे आणि महाराष्ट्र राज्याला अशा 10 मशीनची आवश्यकता आहे. हेही वाचा- मुख्यमंत्रिपदाचा धोका टळला, उद्धव ठाकरे असे होणार आमदार? एकावेळी 24 नागरिकांच्या चाचणी करण्याची क्षमता असलेल्या मशीन 45 मिनिटात अहवाल देण्यात सक्षम आहे. आज अहवाल तत्काळ न मिळाल्याने 2 ते 3 दिवस संपूर्ण यंत्रणा ताटकळत रहाते आणि पॉझिटिव्ह असल्याचा माहिती अहवाल वेळेत प्राप्त न झाल्यामुळे ताणही वाढतो. वैद्यकीय संचालनालय तर्फे तत्काळ निधी हाफकिनकडे वळविण्यात येणे आवश्यक असताना मंत्रालयातील अधिका-यांच्या लालफिताशाही म्हणो किंवा आणखी काही, निर्णय घेण्यास वेळखाऊ धोरण अवलंबले जात आहे, असा आरोप गलगली यांचा आहे. किचकट प्रक्रिया आणि प्रतिक्षेत असलेल्या निविदा तत्काळ उघडत निर्णय घ्यावा जेणेकरुन या सर्व 10 स्वयंचलित आरएनए शुद्धीकरण प्रणाली ( Automated RNA Purification System) मशीनचा फायदा राज्यास होऊ शकतो, अशी मागणी सरतेशेवटी गलगली यांनी केली आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
