मुसळधार पावसात दहिसरमध्ये 3 घरे कोसळली, एकाचा मृत्यू

मुंबई, 10 जून: मुंबईत (Mumbai) मुसळधार पाऊस सुरू होताच दुर्घटनांचे सत्र सुरू झाले आहे. मालाड-मालवणी येथे बुधवारी रात्री इमारतीचा भाग कोसळून दुर्घटना घडल्याच्या घडनेला 24 तास होत नाही तर आता दहिसर येथे तीन घरे कोसळल्याची (3 houses collapsed in Dahisar) घटना घडली आहे. दहिसर येथे झालेल्या या घटनेत एका तरुणाचा मृत्यू (1 youth died) झाला आहे.

मिळालेल्या प्राथमिक माहितीनुसार, दहिसर येथील शिवाजी नगर मधील लोखंडी चाळ येथे तीन घरे कोसळली आहेत. मुसळधार पावसामुळे ही घरे कोसळली असल्याची प्राथमिक माहिती समोर येत आहे. सायंकाळी साडे सात वाजण्याच्या सुमारास ही घटना घडली आहे.

मुसळधार पावसात दहिसरमध्ये 3 घरे कोसळली, एकाचा मृत्यू#Mumbai #Dahisar pic.twitter.com/6yOtNJsNNT

— News18Lokmat (@News18lokmat) June 10, 2021

Mumbai | One person killed after three houses collapsed at Lokhandi Chwal, in Shivaji Nagar, Dahisar (E) #Maharashtra pic.twitter.com/ctMCzsLVme

— ANI (@ANI) June 10, 2021

या दुर्घटनेत प्रद्युमन सरोज या 26 वर्षीय तरुणाचा मृत्यू झाला आहे तर आणखी एक तरुण जखमी झाला असल्याची माहिती समोर आली आहे. घटनास्थळी अग्निशमन दलाचे जवान दाखल झाले असून बचाव आणि मदतकार्य वेगाने सुरू आहे.

मालवणीत इमारतीचा भाग कोसळून 11 मृत्यू 

मुंबईतील मालाड मालवणी येथे बुधवारी रात्रीच्या सुमारास एका चार मजली इमारतीचा भाग शेजारील घरांवर कोसळला. या दुर्घटनेत तब्बल 11 जणांचा मृत्यू झाला तर 8 जण जखमी झाले आहेत. या दुर्घटनेनंतर मृतकांच्या वारसांना प्रत्येकी पाच लाख रुपयांची आर्थिक मदत तसेच जखमींच्या उपचारासाठीचा खर्च करण्याची घोषणा मुख्यमंत्री उद्धव ठाकरेंनी केली. तसेच या दुर्घटनेबद्दल मुख्यमंत्र्यांनी शोक व्यक्त केला आणि जखमी रहिवाशांची रुग्णालयाला जावून विचारपूस केली.