जाहिरात
मराठी बातम्या / मुंबई / MHADA मास्टर लिस्टसाठी आतापर्यंत दीड हजार अर्ज, अर्जासाठी अटी-शर्थींसह नवीन मुदतवाढ

MHADA मास्टर लिस्टसाठी आतापर्यंत दीड हजार अर्ज, अर्जासाठी अटी-शर्थींसह नवीन मुदतवाढ

MHADA मास्टर लिस्टसाठी आतापर्यंत दीड हजार अर्ज, अर्जासाठी अटी-शर्थींसह नवीन मुदतवाढ

MHADA News: संक्रमण शिबिरात वास्तव्य करत असलेल्या नागरिकांना येत्या 20 जूनपर्यंत अर्ज करता येणार असल्याचं समजतंय.

  • -MIN READ
  • Last Updated :

मुंबई, 10 जून: म्हाडातील (MHADA) संक्रमण शिबिरातील (Transit Camp) अर्जासंदर्भात एक मोठी अपडेट समोर आली आहे. संक्रमण शिबिरात वास्तव्य करत असलेल्या नागरिकांना येत्या 20 जूनपर्यंत अर्ज करता येणार असल्याचं समजतंय. तसंच म्हाडाकडे आतापर्यंत एक हजार 583 अर्ज आले आहेत. या अर्जावर लवकरच सुनावणी सुरु होणार आहे. पुनर्रचित इमारतीमध्ये कायमस्वरूपी घर न दिलेल्या आणि संक्रमण शिबिरात वास्तव्य करत असलेल्या नागरिकांना मास्टर लिस्टसाठी ऑनलाईन अर्ज करण्यास म्हाडाच्या मुंबई इमारत दुरुस्ती आणि पुनर्रचना मंडळाकडून पुन्हा एकदा ही मुदतवाढ देण्यात आली आहे. रोमांचक सामना..! 4 राज्ये, 16 जागा; आज राज्यसभा निवडणुकीसाठी मतदान नागरिकांना हक्काचं घर देण्यासाठी मुंबई इमारत दुरुस्ती आणि पुनर्रचना मंडळाकडून मास्टर लिस्ट जाहीर करण्यात येते. ही संकल्पना मूळ उपकरप्राप्त इमारतींचा पुनर्विकास होऊ शकत नाही त्यामुळे संक्रमण शिबिरात खितपत पडलेल्या नागरिकांसाठी असते. गेल्या अनेक दशकांपासून म्हाडाकडून हक्काचं घर मिळेल या आशेवर हे रहिवासी संक्रमण शिबिरांमध्ये राहत आहेत. उपकर प्राप्त इमारतींच्या पुनर्विकासातून म्हाडाला मिळणारी घरे मास्टर लिस्टच्या माध्यमातून दिली जातात. मात्र यात गैरप्रकार झाल्याचं समोर आलं. त्यानंतर गृहनिर्माण विभागाकडून मास्टर लिस्टला स्थगिती देण्यात आली होती. अर्ज करण्यासाठी मुदतवाढ दरम्यान आता मास्टर लिस्टवर असलेली स्थगिती उठवण्याची मागणी होऊ लागील. त्यानंतर गृहनिर्माण विभागाकडून त्यावरील स्थगिती उठवण्यात आली. आता स्थगिती उठवल्यानंतर मंडळाकडून मूळ भाडेकरु आणि त्यांच्या वारसदारांकडून अर्ज मागवण्यात आले आहेत. सुरुवातीला म्हाडानं 4 मार्च ते 12 एप्रिलपर्यंत अर्ज करण्यास मुदत दिली होती. मात्र आता या मुदतीत मंडळानं मुदतवाढ केली आहे. सुरुवातीच्या मुदती काळात मंडळाकडे 1 हजार 583 अर्ज आले. त्यामुळे अर्जदारांकडून मुदतवाढीची मागणी होऊ लागली. त्यानुसार मंडळाने अर्ज भरण्याची मुदत वाढवली. आता नागरिकांना 20 जून रात्री 10 वाजेपर्यंत अर्ज भरता येईल. Corona Virus In India: देशात येणार Corona ची चौथी लाट?, टॉप आरोग्य तज्ज्ञांनी दिलं उत्तर   अर्जदार masterlist.mhada.gov.in या वेबसाईटवर जाऊन अर्ज भरु शकतात. ऑनलाईन अर्ज भरल्यानंतर ऑनलाईन दाखल केलेले सर्व कागदपत्रे खोली क्रमांक 372, दुसरा मजला, म्हाडा गृहनिर्माण भवन, कलानगर, वांद्रे पूर्व येथे जमा करण्याचे आवाहन मंडळाकडून करण्यात आले आहे. अर्जासाठीच्या नियम आणि अटी

  • मास्टर लिस्ट समितीने ज्या नागरिकांना यापूर्वी पात्र घोषित केलं आहे, अशा व्यक्तींनी नव्यानं अर्ज दाखल करू नये.
  • मंडळाच्या 2019 च्या जाहिरातीत ऑनलाईन पद्धतीने अर्ज दाखल केलेल्या अर्जदारांनी पुन्हा नव्याने अर्ज दाखल करू नये.
  • यापूर्वी अर्जदारांनी ऑफलाईन पद्धतीने अर्ज दाखल केला आहे, मात्र त्यांचे प्रकरण अद्याप प्रलंबित आहे, अशा व्यक्तींनी नव्याने अर्ज दाखल करावा.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
  • First Published :
जाहिरात
जाहिरात