Zero Cost Term Insurance: आता टर्म पॉलिसी बंद केल्यावर प्रीमियम मिळेल परत, वाचा आश्चर्यकारक फायदे

मुंबई, 20 सप्टेंबर: आजच्या काळात प्रत्येक व्यक्ती आपल्या कुटुंबाच्या आर्थिक सुरक्षेसाठी विमा पॉलिसी घेते, जेणेकरून त्याच्या मृत्यूनंतर त्याच्या कुटुंबाला आर्थिक गरजांसाठी कोणासमोर हात पसरावे लागू नयेत. सामान्यतः लोक जीवन विम्यात गुंतवणूक करण्यास प्राधान्य देतात. अनेक वेळा लोकांसमोर काही आर्थिक समस्या उद्भवतात. त्यामुळं त्यांना विम्याचा हप्ता भरता येत नाही आणि त्यामुळे त्याला विमा पॉलिसीचा लाभ मिळू शकत नाही. बाजारात अनेक फायदेशीर स्कीम उपलब्ध - लोकांची ही समस्या लक्षात घेऊन विमा कंपन्यांकडून टर्म लाइफ इन्शुरन्स, एंडोमेंट प्लॅन, युलिप यांसारख्या अनेक फायदेशीर टर्म लाइफ इन्शुरन्स योजना ऑफर केल्या जात आहेत. या योजनांमध्ये पॉलिसीधारकाच्या मृत्यूनंतरच कुटुंबाला मदत मिळते. परंतु पॉलिसीधारक कोणत्याही कारणानं प्रीमियम भरू शकत नसल्यास त्याला विमा पॉलिसीचा लाभ मिळत नाही किंवा त्याला प्रीमियमची रक्कम परत मिळत नाही. यासोबतच अनेक लोक मुदत विमा योजनांमध्ये गुंतवणूक करणं टाळतात कारण त्यांना वाटतं की त्यांना या योजनेतील पॉलिसीचा मॅच्युरिटी लाभ मिळणार नाहीत. टर्म इन्शुरन्स प्लॅनमध्ये गुंतवणूक करणं हे बहुतेक लोक पैशाचा अपव्यय मानतात. या मानसिकतेवर मात करण्यासाठी अनेक विमा कंपन्या पॉलिसी संपल्यानंतर प्रीमियमची रक्कम परत करत आहेत.  झिरो कॉस्ट टर्म प्लॅन हा सर्वोत्तम पर्याय असू शकतो- झिरो कॉस्ट टर्म इन्शुरन्स प्लॅन ही अशी योजना आहे ज्यामध्ये विमाधारकाला त्याची पॉलिसी कधीही बंद करण्याचा अधिकार आहे, म्हणजे जेव्हा पॉलिसीधारकाला असं वाटतं की तो पॉलिसीचा प्रीमियम भरू शकत नाही किंवा त्याला पॉलिसी पुढं चालू ठेवायची नाही तर तो ही पॉलिसी बंद करू शकतो. त्याला पुढे जायचे नसेल तर पुढे, तो ते संपवू शकतो किंवा बंद करू शकतो. या योजनेतील विमा पॉलिसी बंद केल्याचा अर्थ असा नाही की त्याला प्रीमियम म्हणून जमा केलेले पैसे मिळणार नाहीत, उलट या योजनेनुसार जर विमाकर्त्याने त्याची पॉलिसी परत केली म्हणजेच संपुष्टात आणली तर विमा कंपनीकडून जीएसटी कापून उर्वरित रक्कम त्याला परत केली जाईल. हेही वाचा:  बाबा रामदेव यांच्या कंपनीने गुंतवणूकदारांना केले श्रीमंत, 3 वर्षात 4 वेळा कमाई या योजनांबाबत लोकांची उत्सुकता वाढली आहे- अलीकडच्या काळात या जीरो कॉस्ट टर्म प्लॅनबद्दल लोकांची उत्सुकता वाढली आहे. बाजारात सध्या सामान्य टर्म प्लॅन्स आणि TROP (टर्म रिटर्न ऑफ प्रीमियम) सोबतच आता लोकांनी या प्लॅनमध्येही गुंतवणूक करायला सुरुवात केली आहे. Max Life, Bajaj Allianz सारख्या विमा कंपन्या या योजना ग्राहकांना बाजारात उपलब्ध करून देत आहेत. या योजनांचा सर्वाधिक फायदा सेवानिवृत्तीच्या वयाच्या पॉलिसीधारकांना होईल. PolicyBazaar.com चे प्रमुख सज्जा प्रवीण चौधरी यांच्या मते, “शून्य किमतीच्या टर्म प्लॅनचं सर्वात महत्त्वाचं वैशिष्ट्य म्हणजे ते पॉलिसीधारकाला विशिष्ट प्रसंगी पॉलिसी समाप्त करू देतं. अशा पॉलिसीधारकांना त्यांच्या एकूण प्रीमियममधून जीएसटी वजा करून परतावा दिला जातो.” झिरो कॉस्ट टर्म इन्शुरन्सची वैशिष्ट्ये:

• या योजनेत पॉलिसीधारकाला असं वाटत असेल की त्याला ही पॉलिसी पुढे चालू ठेवायची नाही, तर तो पॉलिसी संपुष्टात आणू शकतो.
• पॉलिसी बंद केल्यावर त्या वेळेनुसार जीएसटी कापून उर्वरित रक्कम पॉलिसीधारकाला दिली जाईल.
• या प्लॅन अंतर्गत घेतलेल्या पॉलिसीची प्रीमियम रक्कम इतर सामान्य टर्म प्लॅनपेक्षा कमी असेल, तर TROP प्लॅनमध्ये प्रीमियमची रक्कम जास्त असेल.
• सध्या ही योजना बजाज आणि मॅक्स इन्शुरन्स कंपनी देत ​​आहे.
• लवकरच इतर कंपन्याही अशी योजना आणण्याची शक्यता आहे.

• Follow us on