काढणी चालू असताना शेतकऱ्यांना चिंता; दर घसरणीमुळं सोयाबीनची आवकही घटली

मुंबई, 14 ऑक्टोबर : सप्टेंबर महिन्यात क्विंटलला 10 हजारांपर्यंत गेलेला सोयाबीनचा भाव सध्या 4000 ते 5400 पर्यंत खाली आला आहे. यामुळं सोयाबीनची काढणी सुरू असतानाच शेतकऱ्यांसमोर चिंतेचे वातावरण आहे. तर या सोयाबीन (Soyabean Rate) दराचा परिणाम आता थेट बाजारपेठेवर होत आहे. दर कमी झाल्यानं बाजार समित्यांमध्ये काल आणि आजही सोयाबीनची आवक (Soybean falling rates in Maharashtra) घटल्याचे दिसून आलं.

मंगळवारी लातूरच्या कृषी उत्पन्न बाजार समितीमध्ये सोयाबीनला केवळ 5100 रुपये दर मिळाला. त्यामुळे सोयाबीन बाजार समितीमध्ये आणण्यास शेतकऱ्यांनी पाठ फिरवली असल्याचे दिसून आलं. विदर्भ, मराठवाड्यात सोयाबीन हे खरीपातील मुख्य पीक असलं तरी यंदा या पीकातून शेतकऱ्यांचे अधिकचे नुकसानच झालेले आहे. पीक जोमात असाताना पावसाने उघडीप दिली होती. त्यामुळे सिंचनाचा प्रश्न निर्माण झाला होता तर आता काढणीला पीक असताना अतिवृष्टी झाली होती.

हे वाचा - घाऊक बाजारात कांद्याचे दर वाढल्यानं शेतकऱ्यांना दिलासा; पावसानं झालेलं नुकसान भरून निघण्याची अपेक्षा

बाजारपेठेत सोयाबीनचे दर कोसळत आहेत. तेलबियांचे दर हे कमी होत आहेत तर खाद्यतेलाचे दर हे दिवसेंदिवस वाढत आहेत. त्यामुळे शेतकऱ्यांची फसवणूक केली जात असल्याचा आरोप आता अनेक शेतकरी करीत आहेत. त्यामुळे सोयाबीनची आवक बाजारातील आवकही घटल्याचे चित्र आहे.

राज्यातील बाजार समित्यांमधील ताजे बाजारभाव असे -

(माहिती सौजन्य - महाराष्ट्र राज्य कृषी पणन मंडळ)