Home /News /money /

Post Office मध्ये अकाऊंट असेल तर उभारता येतील 20 लाख, कशी कराल गुंतवणूक?

Post Office मध्ये अकाऊंट असेल तर उभारता येतील 20 लाख, कशी कराल गुंतवणूक?

Post Office: पोस्ट ऑफिसच्या NSC योजनेवर सध्या वार्षिक 6.8 टक्के दराने व्याज मिळत आहे. या योजनेत गुंतवणूकदारांना चक्रवाढ व्याजाचा लाभ मिळतो, जो मॅच्युरिटीवर दिला जातो.

    मुंबई, 23 जून : पोस्ट ऑफिसच्या (Post Office) ग्राहकांसाठी एक चांगली बातमी आहे. जर तुमचे पोस्ट ऑफिसमध्ये खाते असेल किंवा तुम्ही सरकारी योजनेत (Government Scheme) पैसे गुंतवले असतील तर तुम्हाला मोठा फायदा होणार आहे. पोस्ट ऑफिसद्वारे अनेक प्रकारच्या सरकारी योजना चालवल्या जातात, ज्यामध्ये तुम्हाला पैशांची बचत करण्यासोबतच व्याजाचा लाभही मिळतो. पोस्ट ऑफिसच्या अशा खास योजनेबद्दल सांगणार आहोत, ज्याद्वारे तुम्ही फक्त 5 वर्षात 20 लाख रुपयांचा निधी तयार करू शकता. या योजनेत, तुम्ही फक्त 100 रुपयांची अल्प बचत करून काही वर्षांत करोडपती होऊ शकता. या सरकारी योजनेत राष्ट्रीय बचत प्रमाणपत्र (National Saving Certificate) आहे. NSC मध्ये गुंतवणूक केल्याने, तुम्हाला खात्रीशीर परतावा तसेच सुरक्षिततेची पूर्ण हमी मिळते. चक्रवाढ व्याजाचा लाभ तुम्ही या योजनेत 100 रुपयांच्या पटीत गुंतवणूक सुरू करू शकता. पोस्ट ऑफिसच्या NSC योजनेवर सध्या वार्षिक 6.8 टक्के दराने व्याज मिळत आहे. या योजनेत गुंतवणूकदारांना चक्रवाढ व्याजाचा लाभ मिळतो, जो मॅच्युरिटीवर दिला जातो. या योजनेचा कालावधी 5 वर्षांचा आहे. मात्र, मॅच्युरिटी झाल्यावर ते आणखी 5 वर्षांसाठी वाढवता येईल. कर लाभ (Tax Benefit) सरकारच्या या योजनेत ग्राहकांना कर सवलतीची सुविधाही मिळते. तुम्ही यामध्ये गुंतवणूक केल्यास तुम्हाला कलम 80C अंतर्गत वजावटीचा लाभ मिळेल. या विभागाची मर्यादा दीड लाख रुपये आहे. याशिवाय व्याजातून मिळणारे उत्पन्न करपात्र आहे. त्यामुळे गुंतवणूकदार त्याचे व्याज उत्पन्न परताव्यात समाविष्ट करू शकतो. 20.58 लाख रुपये 5 वर्षांत उपलब्ध होतील जर तुम्हाला या योजनेअंतर्गत 5 वर्षांत 20.58 लाखांचा निधी तयार करायचा असेल, तर त्यासाठी तुम्हाला 5 वर्षांत 15 लाख रुपये गुंतवावे लागतील. त्याच वेळी, तुम्हाला व्याजाद्वारे 6 लाख रुपयांचा लाभ मिळेल. यामध्ये चक्रवाढ व्याज ६.८ टक्के दराने मिळणार आहे. जाणून घ्या व्याजाचा किती फायदा होईल? NSC कॅल्क्युलेटरनुसार, जर तुम्ही या योजनेत फक्त 1 लाख रुपये गुंतवले तर तुम्हाला 5 वर्षांनंतर व्याजाद्वारे 1,38,949 रुपये मिळतील. याशिवाय 2 लाखांच्या गुंतवणुकीवर 2,77,899 रुपये मिळतील. 5 लाख गुंतवणुकीवर 6,94,746 रुपये उपलब्ध आहेत.
    Published by:Pravin Wakchoure
    First published:

    Tags: Investment, Money, Post office

    पुढील बातम्या