Home /News /money /

घाऊक बाजारात कांद्याचे दर वाढल्यानं शेतकऱ्यांना दिलासा; पावसानं झालेलं नुकसान भरून निघण्याची अपेक्षा

घाऊक बाजारात कांद्याचे दर वाढल्यानं शेतकऱ्यांना दिलासा; पावसानं झालेलं नुकसान भरून निघण्याची अपेक्षा

कांद्याचे दर आणखी वाढण्याची शेतकऱ्यांना (onion wholesale rate) अपेक्षा आहे. पावसामुळे शेतकऱ्यांचे कांद्याचे 40 ते 50 टक्के पीक बहुतेक जिल्ह्यांमध्ये सडले आहे.

    मुंबई, 14 ऑक्टोबर : कांद्याला बाजारसमितीत चांगला दर (onion price) मिळत असल्यानं कांदा (onion) उत्पादक शेतकऱ्यांना काहीसा दिलासा मिळाला आहे. कांद्याची घाऊक किंमत 4393 ते 4700 रुपये प्रति क्विंटलवर पोहोचली आहे. कांद्याला हंगामात मिळालेला हा सर्वाधिक भाव असल्याचे सांगण्यात येत आहे. कांद्याचे दर आणखी वाढण्याची शेतकऱ्यांना (onion wholesale rate) अपेक्षा आहे. पावसामुळे शेतकऱ्यांचे कांद्याचे 40 ते 50 टक्के पीक बहुतेक जिल्ह्यांमध्ये सडले आहे. त्यामुळे चांगले दर मिळाल्यास झालेले नुकसान भरून निघण्याची शेतकऱ्यांना आशा आहे. आशियाची सर्वात मोठी कांदा बाजारपेठ लासलगाव येथे बुधवारी काद्याची कमाल किंमत 4134 रुपये होती, तर किमान 1200 रुपये आणि सर्वसाधारण किंमत 3550 रुपये होती. कोल्हापूरच्या बाजार समितीत जास्तीत जास्त दर 4700 इतका होता. कांद्याचा वापर साधारणपणे कमी असताना हा दर नवरात्रीसाठी असल्याचे बाजार तज्ज्ञांचे म्हणणे आहे. शुक्रवारपासून कांद्याचे दर आणखी वाढू शकतात असे सांगितले जात आहे. किंमती वाढण्याचे कारण काय आहे? महाराष्ट्र कांदा उत्पादक संघटनेचे संस्थापक अध्यक्ष भरत दिघोले म्हणाले की, याचे मुख्य कारण मुसळधार पाऊस आणि पूर आहे. यामुळे अनेक जिल्ह्यांत एप्रिल-मेमध्ये साठवून ठेवलेले कांदे सडले. मराठवाडा विभागातील बीड, औरंगाबाद, उस्मानाबाद आणि लातूर इत्यादीमध्ये ठेवलेले कांदे पूर आणि अतिवृष्टीमुळे खराब झाले. तर नाशिक, अहमदनगर, धुळे, सोलापूर आणि जळगाव येथे ओलावा असल्याने अनेक शेतकऱ्यांचे कांदे सडले. यामुळे किमतीत वाढ झाली आहे. जेव्हा मोठ्या प्रमाणात नुकसान होते, तेव्हा मागणी आणि पुरवठा यांच्यात अंतर पडते आणि किंमत वाढते. हे वाचा - ‘पीडित मुलीला घरी ठेवून चित्रा वाघ यांनी भाजप आमदाराला ब्लॅकमेल केलं’ विद्या चव्हाणांच्या आरोपावर चित्रा वाघ म्हणाल्या… कांदा वाचवण्याचा प्रयत्न पाऊस आणि पुरामुळे शेतकऱ्यांना त्यांचे जुने ठेवलेले कांदे वाचवण्यासाठी खूप कष्ट करावे लागले. कांदा सडत असल्यानं तो स्वच्छ करून त्याची प्रतवारी लावली जात आहे. अशा परिस्थितीत आता महाराष्ट्रातील शेतकऱ्यांना 50-60 रुपयांपर्यंत दर मिळाला नाही तर त्यांचे नुकसान भरून निघणार नाही, असेही दिघोले म्हणाले. कांद्याचे घाऊक दर वाढल्याने शेतकऱ्यांनी सुटकेचा नि: श्वास सोडला आहे. कारण कांदे सडल्यामुळे त्यांचे आधीच लाखोंचे नुकसान झाले आहे. राज्यातील विविध बाजार समित्यांमधील ताजे दर असे -
    दिनांकजिल्हाजात/प्रतपरिमाणआवककमीत कमी दरजास्तीत कमी दरसर्वसाधारण दर
    14/10/2021अहमदनगरनं. १नग1570250039002500
    14/10/2021अहमदनगरनं. २नग1120110023002300
    14/10/2021अहमदनगरनं. ३नग75030010001000
    14/10/2021अमरावती---क्विंटल790035001800
    14/10/2021जळगावलालक्विंटल9225022502250
    14/10/2021कोल्हापूर---क्विंटल322980032002000
    14/10/2021मंबई---क्विंटल10934280038003300
    14/10/2021नागपूरलोकलक्विंटल15150025002100
    14/10/2021नागपूरउन्हाळीक्विंटल10240026002500
    14/10/2021नाशिकउन्हाळीक्विंटल7428571735593095
    14/10/2021पुणे---क्विंटल400200030002500
    14/10/2021पुणेलोकलक्विंटल12093156726002083
    14/10/2021सांगलीलोकलक्विंटल2570180030002400
    14/10/2021सातारा---क्विंटल101200035002700
    14/10/2021सातारालोकलक्विंटल15200038003000
    14/10/2021सोलापूरलालक्विंटल1833115038001900
    14/10/2021ठाणेनं. १क्विंटल3250032002850
    Published by:News18 Desk
    First published:

    Tags: Farmer, Onion

    पुढील बातम्या