मराठी बातम्या /बातम्या /मनी /

Rule Change 1 December: आजपासून तुमच्या आयुष्यात होणार हे मोठे बदल

Rule Change 1 December: आजपासून तुमच्या आयुष्यात होणार हे मोठे बदल

प्रतिकात्मक फोटो

प्रतिकात्मक फोटो

या बदलांचा परिणाम प्रत्येक सामान्य माणसाच्या दैनंदिन जीवनावर होणार आहे.

  • News18 Lokmat
  • Last Updated :
  • Mumbai, India
  • Published by:  Kranti Kanetkar

मुंबई : 1 डिसेंबर 2022 पासून बँकिंग, आर्थिक आणि संबंधित क्षेत्रांशी संबंधित अनेक नियम बदलणार आहेत. नव्या नियमांचा परिणाम तुमच्या बजेटवर होणार असला, तरी काही बदल तुमच्या भल्यासाठी देखील असणार आहेत. या बदलांचा परिणाम प्रत्येक सामान्य माणसाच्या दैनंदिन जीवनावर होणार आहे.

लाईफ सर्टिफिकेटबाबत महत्त्वाचा बदल

केंद्र व राज्य सरकारकडून पेन्शन घेणाऱ्या व्यक्तींना वार्षिक जीवन प्रमाणपत्र सादर करावे लागते. पेन्शनरांना हे प्रमाणपत्र ३० नोव्हेंबर २०२२ पर्यंत सादर करायचे आहे. पेन्शनर बँक शाखेत किंवा ऑनलाइन जाऊन जीवन प्रमाणपत्र सादर करू शकतात, जेणेकरून त्यांची पेन्शन थांबणार नाही आणि त्यांना कोणत्याही समस्येला सामोरे जावे लागू नये.

हे काम ३० नोव्हेंबरपर्यंतच होणे आवश्यक होते. आतापर्यंत जीवन प्रमाणपत्र सादर करण्याची शेवटची तारीख वाढवण्यात आलेली नाही. म्हणजेच आज म्हणजेच १ डिसेंबर रोजी किंवा त्यानंतर सादर केलेले जीवन प्रमाणपत्र वैध ठरणार नाही.

गाड्यांच्या वेळा बदलणार

भारतात थंडीचा मोसम सुरू झाला आहे. या काळात देशातील बहुतांश भागात धुके वाढू लागते, त्यामुळे गाड्यांच्या वाहतुकीत अडचणी निर्माण होतात. त्यामुळे एकतर या गाड्या उशिराने धावतात किंवा अनेक गाड्या रद्द करण्याचा निर्णय रेल्वेला घ्यावा लागतो.

या परिस्थितीला तोंड देण्यासाठी रेल्वे आपल्या टाइम टेबलमध्येही बदल करू शकते. अशा परिस्थितीत रेल्वे या महिन्यात रेल्वेच्या टाइम टेबलमध्ये बदल करेल आणि नव्या टाइम टेबलनुसार गाड्या चालवल्या जातील, अशी शक्यता वर्तवण्यात येत आहे.

बँकेची सुट्टी

यंदा डिसेंबर महिन्यात एकूण १३ दिवस बँका बंद राहणार आहेत. बँकेच्या १३ दिवसांच्या सुट्ट्यांमध्ये दुसऱ्या आणि चौथ्या शनिवारी आणि सर्व रविवारच्या वीकेंडच्या सुट्टीचा समावेश आहे. डिसेंबर महिन्यात वर्षाचा शेवटचा दिवस म्हणजे नाताळ आणि गुरू गोविंदसिंगजी यांचा वाढदिवसही सुट्टीचा असतो, या दिवशी बँका बंद असतात.

भारतातील सर्व खासगी आणि सार्वजनिक बँका सुट्टीच्या दिवशी बंद असतात. काही बँका स्थानिक सण आणि सुट्ट्या पाळतात आणि त्या दिवशी राज्यात बंद राहतात. अशा परिस्थितीत तुम्ही बँकेचे कोणतेही महत्त्वाचे काम दीर्घकाळापासून पुढे ढकलत असाल तर लवकरात लवकर त्यांचा बंदोबस्त करा.

गॅस सिलिंडरचे दर

इंडियन ऑइलने आपल्या वेबसाइटवर दिलेल्या माहितीनुसार, कोणत्याही प्रकारचे गॅस सिलिंडर आणि कमर्शिअल गॅस सिलिंडरमध्ये कोणताही बदल करण्यात आलेला नाही. त्याचबरोबर गेल्या महिन्यात व्यावसायिक गॅस सिलिंडरच्या किंमतीत 115.50 रुपयांची कपात करण्यात आली होती. गेल्या 6 वेळा सतत 19 किलोच्या सिलेंडरच्या दरात कपात केली जात होती.

First published:

Tags: Rules