)
नवी दिल्ली : सर्वासामन्या लोकांच्या खिशाला झळ बसणारी बातमी आहे. या बातमीनंतर गृहिणींचं बजेट चांगलंच कोलमडणार आहे. दर महिन्याच्या 1 तारखेला LPG चे दर जाहीर होत असतात. मार्च महिन्यातील पहिल्याच दिवशी खिशाला कात्री लावणारी बातमी आहे. महागाईनं सर्वसामान्य लोकांना आणि गृहिणींना मोठा झटका दिला आहे. घरगुती गॅस सिलेंडरच्या दरात 50 रुपयांनी वाढ करण्यात आली आहे. आता मुंबईत सिलेंडरचे दर 1,102 रुपये 50 पैसे आणि नागपूरला 1,154 रुपये 50 पैसे झाले आहेत. होळीपूर्वी महागाईचे चटके सामान्य माणसाला बसणार आहेत. याशिवाय 19 किलो व्यावसायिक सिलेंडरचे दर ३५०.५० रुपयांनी वाढले आहेत. नवीन दर आजपासून लागू होणार आहेत. सिलेंडरच्या दरात वाढ झाल्याने रेस्टॉरंट, हॉटेलमधील जेवणाचे दरही वाढण्याची शक्यता आहे. महिन्याच्या पहिल्याच दिवशी झालेल्या वाढीमुळे सर्वसामान्यांचे बजेट कोलमडण्याची चिन्हे आहेत. एएनआयने दिलेल्या वृत्तानुसार 14.2 किलोचा एलपीजी सिलिंडर दिल्लीत 1103 रुपयांना मिळणार आहे. व्यावसायिक सिलिंडरच्या दरात प्रति सिलिंडर 350 रुपयांनी वाढ झाली आहे. आता दिल्लीत आजपासून 19.2 किलोचा व्यावसायिक एलपीजी सिलिंडरसाठी 2119.5 रुपये मोजावे लागणार आहेत.
Domestic LPG Cylinder 14.2 kg prices increased by Rs 50/. Domestic LPG cylinder price increased to Rs 1103/ in Delhi: sources
— ANI (@ANI) March 1, 2023
19 kg Commercial LPG cylinder prices increased by Rs 350.50 With this increase 19 kg commercial cylinder will cost Rs 2119.50 in Delhi. New rates are effective from today: Sources
— ANI (@ANI) March 1, 2023
यापूर्वी 6 जुलै 2022 रोजी तेल कंपन्यांनी दरात वाढ केली होती. गेल्या अनेक महिन्यांपासून व्यावसायिक एलपीजी सिलिंडरच्या किमतीत घसरण होत आहे. मात्र त्यानंतर तेल कंपन्यांनी 19 किलोच्या व्यावसायिक एलपीजी गॅस सिलिंडरच्या दरात मोठी वाढ केली आहे.
+6
फोटो
