सोयाबीनच्या दरात घसरण सुरूच; साठवणूक करावी की विक्री? उत्पादक शेतकऱ्यांसमोर प्रश्न

मुंबई, 16 ऑक्टोबर : सोयाबीनचे दर हे दिवसेंदिवस घसरत आहेत. सोयाबीन (Soyabean) काढणी सुरू असताना दर मात्र पडत (latest soybean rate in Maharashtra) असल्याने राज्यातील शेतकऱ्यांसमोर चिंतेचे वातावरण आहे. हंगामाच्या सुरूवातीचे दर आणि आताचे दर यामध्ये निम्म्याने फरक पडला आहे. सप्टेंबर महिन्यात जवळपास 11 हजार असलेला क्विंटलचा भाव आता 4 ते 5 हजारापर्यंत खाली आला आहे. त्यामुळे सोयाबीन उत्पादक शेतकरी नाराज असून पीक आताच बाजारात विकावे की काही दिवस साठवूण दर वाढल्यानंतर विकावे याबद्दल संभ्रम आहे.

काही कृषी तज्ज्ञांच्या मते, शेतकऱ्यांनी सोयाबीनची (soybean) साठवणूक करण्यापेक्षा सध्याच्या आहे, त्या भावावर विक्री करणे योग्य ठरेल. कारण आता काढणी सुरू असून बाजार समित्यांमधील आवक वाढतच जाणार आहे. मागणी पुरवठ्याच्या सूत्रानुसार आवक वाढल्यानंतर साहजिकच दर आणखी कमी होण्याची शक्यता आहे. आताचा सोयाबीन हा पावसात भिजलेला आहे. त्यामुळं त्याची आणखी साठवणूक करून ते खराब झाल्यास फार मोठे नुकसान होऊ शकते. तर दुसरीकडं आधीच पावसामुळं पीक खराब झाल्यामुळे शेतकऱ्यांना नुकसान भरून निघण्यासाठी चांगल्या दराची अपेक्षा होती. मात्र, दर वाढत नसून दिवसेंदिवस दरात घट होत आहे.

सध्याची बाजारातील स्थिती -

सणासुदीच्या काळात महागाई कमी करण्याच्या उद्देशाने केंद्र सरकारनं खाद्यतेलाचे आयातशुल्क कमी केले आहे. दुसरीकडे तेलबियांच्या साठ्यावरही केंद्र सरकारने मर्यादा घालून दिल्या आहेत. त्यामुळे सोयाबीनच्या दरात घसरण होण्याचीच चिन्ह आहेत. शिवाय आता बाजार समित्यांमध्ये होणारी आवकही वाढली आहे. सोयाबीनसाठी प्रसिद्ध असलेल्या लातूरच्या कृषी उत्पन्न बाजार समितीमध्ये दिवसाकाठी साधारणपणे 15 हजार क्विंटलची आवक सुरू आहे. त्यामुळे सोयाबीनचे घसरत असून ही शेतकऱ्यांसाठी चिंतेची बाब आहे.

हे वाचा - अरे वा! आता शेतीशिवाय कॉफीचं उत्पन्न; जाणून घ्या या नव्या तंत्राविषयी…

सोयाबीनचे ताजे दर वाचा -