लातूर बाजार समितीत अचानक सोयाबीनची आवक का वाढली? जाणून घ्या लेटेस्ट सोयाबीन रेट

मुंबई, 31 ऑक्टोबर : काढणीनंतर सोयाबीनच्या दरात सातत्यानं घसरण होत (latest soyabean rate in Maharashtra) असल्यानं गेल्या काही दिवसांपासून शेतकरी सोयाबीन विकण्याऐवजी साठवणुकीवर भर देत आहेत. मात्र, शनिवारी आवक अचानक वाढल्याचे दिसून आले. मात्र, दरात वाढ झाल्यानं आवक वाढली वैगेरे, असे कोणतेही कारण नसून सोमवारपासून लातूरच्या बाजार समितीतील सौदे दिवाळीनिमित्त पाच दिवस बंद राहणार आहेत. दिवाळीमुळं शनिवारी सोयाबीनची आवक आधीच वाढण्याची शक्यता वर्तवली जात होती, त्यानुसार आवक वाढल्याचे दिसून आले. सध्या राज्यातील बाजार समित्यांमध्ये सोयाबीनची किंमत (soyabean price) किमान आधारभूत किंमती (MSP) च्या खाली गेली आहे. मात्र, तरीही नाईलाजास्तव अनेक शेतकरी दिवाळीच्या खर्चासाठी सोयाबीन विकत आहेत. दिवाळीमुळे बाजार समित्या बंद दिवाळीनिमित्त बाजार समित्या बंद राहणार आहेत. पणन संचालनालयाच्या नियमानुसार बाजार समित्या फक्त तीन दिवस बंद ठेवता येतात. मात्र, अनेक ठिकाणी व्यापाऱ्यांनी एकमताने पाच ते आठ-दहा दिवस बाजार समित्या बंद ठेवण्याचा निर्णय घेतला आहे. त्यामुळे बाजारपेठेत मालाची आवक वाढली होती. लातूर बाजार समिती सोमवारपासून पाच दिवस व्यापार बंद ठेवणार आहे. त्यामुळेच शनिवारी राज्यात जवळपास 115152 क्विंटल सोयाबीन बाजारात आले. शेतकऱ्यांनी आधीच खराब झालेले सोयाबीन विकले असून चांगल्या प्रतीचे सोयाबीन साधारण 5,150 रुपयांना विकलं जात आहे. हे वाचा -  जोरदार पावसाने नोव्हेंबरच होणार स्वागत; उद्यापासून राज्यात मेघगर्जनेसह कोसळणार सरी सोयाबीनची आवक दुपटीने वाढली यापूर्वी निसर्गाने राज्यातील सोयाबीन उत्पादक शेतकऱ्यांचं खूप नुकसान झालं आहे आणि आता कमी भावामुळे ते नाराज झाले आहेत. यंदा सोयाबीन उत्पादकांचे मोठे नुकसान झाले आहे. हंगामाच्या सुरुवातीलाच सोयाबीन कमी आणि आर्द्रता कमी असल्याने शेतकऱ्यांनी सोयाबीन साठवून ठेवण्याऐवजी विक्रीवर भर दिला. त्याचबरोबर आता सोयाबीनच्या दरात क्वचितच वाढ होणार असल्याचे काही शेतकऱ्यांचे म्हणणे आहे, ज्याची आम्ही आता प्रतीक्षा करू शकत नाही, त्यामुळे आम्ही दिवाळीच्या सणात सोयाबीनची विक्री करत आहोत. मात्र, यातून आम्हाला कोणताही फायदा होणार नाही. सोयाबीनच्या भावात इतकी घसरण झाली की खर्च निघाला तरी भरपूर आहे, अशी स्थिती आहे. हे वाचा -  5 रुपयांचं नाणं देऊन 5 वर्षांच्या मुलीवर बलात्काराचा प्रयत्न; 65 वर्षीय व्यक्ती अटकेत सोयाबीनचे ताजे दर -

दर स्त्रोत - महाराष्ट्र राज्य कृषी पणन मंडळ

• Follow us on