रेल्वेनं सीट रिझर्व्हेशनचे नियम बदललेत, तिकीट बुक करण्याआधी हे जाणून घ्या

उन्हाळ्याची सुट्टी सुरू झाली. तुम्ही रेल्वेची तिकिटं बुक करणार असाल, तर काही बदललेले नियम जाणून घ्या.

रेल्वेनं यावेळी महिलांसाठी जास्त सीट्स ठेवल्यात. तसंच ज्येष्ठ नागरिकांसाठी खालच्या 4 सिट्स आरक्षित असतील. या अगोदर त्यांची संख्या 3 होती.

मेल आणि एक्सप्रेस ट्रेनमध्ये महिलांसाठी 6 स्लिपर बर्थ आरक्षित असतील. गरीब रथ एक्सप्रेससारख्या ट्रेन्समध्ये 3AC वर्गात 6 बर्थसीट आरक्षित असतील.

राजधानी, दुरांतो आणि वातानुकूलित ट्रेन्समध्ये महिलांसाठी 6 बर्थचा कोटा वाढवलाय. ज्येष्ठ नागरिक, 45 वर्षावरील महिला, गरोदर महिला, एकटा प्रवास करणारी महिला यांना यांचा फायदा होईल.

सर्व ट्रेनमधल्या स्लीपर बर्थपैकी 6 खालच्या सीट्स आणि 3AC मधल्या 3 खालच्या सीट्स ज्येष्ठ नागरिक आणि महिलांसाठी आरक्षित असतील.

राजधानी आणि दुरांतोसारख्या ट्रेन्समध्ये महिला आणि ज्येष्ठ नागरिकांसाठी 4 सीट्स आरक्षित असतील. याआधी 3 सीट्स आरक्षित असायच्या.