)
मुंबई, 25 ऑक्टोबर: स्वतःच्या मालकीचं घर असावं, हे प्रत्येकाचं स्वप्न असतं. परंतू प्रत्येकाजवळच घऱ खरेदीएवढे पैसे असतील असं नाही. परंतू गृहकर्जामुळं लोकांचे हे स्वप्न पूर्ण होतं. परंतू गृहकर्ज हे दीर्घ मुदतीचं कर्ज असतं, ते फेडायला खूप कालावधी जातो आणि व्याजही भरावं लागतं. गृहकर्ज वेळेपूर्वी फेडणं कधीही चांगलं. जर गृह कर्जाची वेळेवर परतफेड केली गेली तर खिशातील अतिरिक्त ताण कमी होतो. त्यामुळं लवकरात लवकर गृहकर्ज फेडण्यासाठी प्रयत्न करावेत. परंतु हे काम वाटतं तितकं सोपं नाही, पण तुम्ही योग्य नियोजन केलं तर ते अशक्यही नाही. अचूक रणनीती आणि काही आगाऊ तयारी करुन निर्धारित वेळेच्या आतच तुम्ही कर्जाची परतफेड करू शकता. याला होमलोन प्रीपेमेंट म्हणतात. चला तर मग आज जाणून घेऊया गृहकर्जाच्या जाळ्यातून लवकरात लवकर बाहेर कसं पडायचं? सेविंग वाढवा- आपण वयाच्या 20-30 व्या वर्षी गृह कर्ज घेतलं असेल. अशा परिस्थितीत आपल्याकडे कर्जाचा कालावधी कमी करण्याची आणि लवकरात लवकर कर्ज भरण्याची पूर्ण संधी आहे. यासाठी आपल्याला पैशाची व्यवस्था करावी लागेल. बचत, वाढ, बोनस आणि अतिरिक्त कमाई असल्यास आपण कर्जाच्या एकूण कालावधीपेक्षा 8-10 वर्षे सहजपणे कमी करू शकता. अतिरिक्त कमाईसह, आपण गृह कर्जाचा एक भाग भरू शकता आणि व्याजाचे पैसे भरू शकता. यामुळे कर्जाचा कालावधी कमी होईल. 2-म्युच्युअल फंडाची होईल मदत- म्युच्युअल फंड एसआयपीमध्ये गुंतवणूक केली असेल, तर काही वर्षांनंतर तुम्हाला दमदार परतावा मिळायला सुरुवात होईल. समजा आपण 25 वर्षांसाठी 25 लाखांचे गृह कर्ज घेतले आहे. त्याचवेळी तुम्ही म्युच्युअल फंड एसआयपीमध्ये 5,000 रुपये जमा करण्यास सुरु केली. त्यानुसार 15 वर्षांनंतर आपल्याला सुमारे 24 लाख रुपये मिळतील. या परताव्याच्या रकमेसह तुम्ही गृह कर्ज सहजपणे फेडू शकता. हेही वाचा: दिवाळीत वाढतोय ऑनलाइन सट्टेबाजीचा ट्रेंड, त्यावर किती कर आकारला जातो? वाचा सविस्तर 3-ईएमआयची रक्कम वाढवा- जर आपण गृह कर्जाची कमी ईएमआय देत असाल तर अधिक दिवस व्याज भरण्याची त्रास होईल. जर आपण ईएमआयची रक्कम वाढविली तर ही समस्या कमी होईल. अधिक ईएमआय म्हणजे अधिक व्याज देणे. यासाठी आपल्याला बँकेशी संपर्क साधावा लागेल आणि कर्ज पुन्हा सेटल करण्यास सांगितले पाहिजे. अधिक ईएमआय दिल्यास कालावधी कमी होईल आणि लवकरच कर्जाची परतफेड होईल. 4-बॅलन्स ट्रान्सफर- जर आपण सध्याच्या बँकेच्या व्याज दराने त्रस्त असाल तर तुम्ही स्वस्त व्याज असलेल्या बँकेकडे कर्ज हस्तांतरण करावे. ज्यावेळी तुम्ही कर्ज घेतलं असेल तेव्हा कदाचित तुमच्या क्रेडिट स्कोरमुळे तुम्हाला लोन महाग मिळालं असू शकतं. परंतु नंतर क्रेडिट स्कोअर सुधारल्यास आपण कमी व्याजावर कर्ज मिळवू शकता. यासाठी कर्ज हस्तांतरण कमी व्याज बँकेत करावं लागेल.
5-ओव्हरड्राफ्ट फायदा- काही बँका ओव्हरड्राफ्ट खात्यासह गृह कर्ज देतात. या खात्यात आपण ईएमआय व्यतिरिक्त अतिरिक्त ठेवी ठेवू शकता. समान रक्कम गृह कर्जासाठी प्रीपेंट म्हणून वापरली जाईल. म्हणजेच आपल्याला तयारीसाठी स्वतंत्रपणे संघर्ष करण्याची आवश्यकता नाही, दरमहा काही पैसे जोडून मोठं कर्ज कमी करण्यात आपण मदत घेऊ शकता.
+6
फोटो
