घर घेण्याआधी या 5 गोष्टी लक्षात ठेवा! अन्यथा घरं राहीलं दूर वेगळ्याच गोष्टी निस्तराव्या लागतील

मुंबई, 19 सप्टेंबर : क्वचितच असा कोणी असेल ज्याला कायम भाड्याच्या घरात राहायला आवडेल. स्वतःचे घर असावे असे प्रत्येकाला वाटत असते, पण घराचे स्वप्न साकार होणे इतके सोपे नसते. केवळ पैशांअभावी बहुतेक लोकांना आपल्या स्वप्नांना मुरड घालावी लागते. जर तुम्हालाही घर घ्यायचे असेल तर त्यासाठी तुमच्याकडे पैसे असणे आवश्यक आहे. मात्र, त्याच वेळी तुम्ही काही महत्त्वांच्या गोष्टींची काळजी घेतली पाहिजे. अन्यथा पश्चातापाची वेळ येऊ शकते. घर लगेच खरेदी करावे की काही वर्षे थांबून? घर खरेदी करण्यापूर्वी एक प्रश्न आवर्जून स्वतःला विचारला पाहिजे. तुम्हाला आता घर घ्यायचे आहे की काही वर्षे वाट पहावी. म्हणजेच, जर तुम्हाला असे वाटत असेल की तुमच्याकडे सध्या पैसे नाहीत किंवा तुमच्याकडे आगामी काळात मोठा खर्च आहे, तर तुम्ही घर खरेदी पुढे ढकलू शकता. दुसरीकडे, जर तुम्हाला वाटत असेल की तुम्ही पुढील काही वर्षांत वेगळ्या शहरात जाऊ शकता किंवा त्याच शहरात इतरत्र शिफ्ट होऊ शकता, तरीही तुम्ही घर खरेदी करणे पुढे ढकलू शकता. तसेच, जर तुम्हाला असे वाटत असेल की पुढील काही वर्षांमध्ये, तुमच्याकडे जुन्या मालमत्तेच्या विक्रीतून किंवा इतर कोठूनही एकरकमी रक्कम येईल, तर तुम्ही अशा परिस्थितीत घर खरेदी करणे पुढे ढकलू शकता. कारण, अशा परिस्थितीत तुम्हाला गृहकर्जाच्या त्रासाला सामोरे जावे लागेल. तुम्हाला जे घर घ्यायचे आहे त्याच्याशी संबंधित संपूर्ण माहिती मिळवा जर तुम्ही घर घेण्याचे ठरवले असेल, तर सर्वप्रथम तुम्ही ज्या घराचा विचार करत आहात त्याची संपूर्ण माहिती मिळवावी. उदाहरणार्थ, तुम्ही त्याचे लोकेशन, तुमचे ऑफिस किती दूर आहे, मुलांची शाळा किंवा तिथून इतर सुविधा पहा. तसेच घराशी संबंधित कोणतेही प्रकरण नाही किंवा तुम्ही बिल्डरकडून घर खरेदी करत असाल, तर त्याने घराशी संबंधित कोणतीही गोष्ट तुमच्यापासून लपवून ठेवली नाही ना, हे पहा. वास्तविक, घर खरेदी करण्यासाठी खूप मोठी रक्कम लागते, अशा परिस्थितीत सामान्य माणसाला घर विकत घेणे आणि नंतर काही वेळात ते विकणे शक्य होत नाही. सर्वात महत्त्वाचे म्हणजे, घराची किंमत, घराचे क्षेत्रफळ, पाण्याची सुविधा, पार्किंग, दर्जा या सर्व माहिती मिळविण्यासाठी तुम्हाला कितीही वेळ लागला तरी चालेल. वाचा - ऑनलाईन खरेदीत Buy Now Pay Later फायदेशीर ठरतं? समजून घ्या रेडी-टू-मूव्ह घर घ्यावं किंवा प्रकल्पात पैसे गुंतवावे? तुम्हाला रेडी-टू-मूव्ह घर घ्यायचे की काही वर्षांनी बांधल्या जाणार्‍या प्रकल्पात पैसे गुंतवायचे हे गणित पाहावं लागेल. येथे एक गोष्ट लक्षात घेण्यासारखी आहे की रेडी-टू-मूव्ह घर महाग असते, तर घर बांधण्यापूर्वी एखाद्या प्रकल्पात गुंतवणूक केल्यास लाखो रुपयांची बचत होऊ शकते. त्यामुळे जर तुम्हाला राहण्याची समस्या नसेल किंवा तुमचे घरभाडे जास्त नसेल तर तुम्ही प्रकल्पात पैसे गुंतवू शकता. फक्त तुमच्या विकासकाने तुम्हाला वेळेत घराचा ताबा द्यायला हवा. पैसे गुंतवण्यापूर्वी तुमच्या विकासकाची संपूर्ण माहिती गोळा करा आणि वेळेवर ताबा न दिल्यास नुकसानभरपाई मिळण्याची तरतूद आहे का ते पहा. दुसरीकडे, जर तुम्ही जास्त भाडे देत असाल किंवा तुम्हाला आधीच राहण्याची समस्या भेडसावत असेल तर तुम्हाला एक रेडी-टू-मूव्ह घर मिळायला हवे. गृहकर्ज किती आणि किती वर्षांसाठी घ्यायचे? घराची किंमत आणि घर कसे मिळवायचे हे ठरवल्यानंतर तुम्हाला गृहकर्जाची गरज आहे का ते पहा. तसे असल्यास, आपल्याकडे किती रक्कम आहे आणि कितीची गरज आहे? तसेच तुम्ही किती वर्षांसाठी गृहकर्ज घ्यायचे याचं गणित मांडा. वास्तविक, तुम्ही जितकी कमी वर्षे लोन घ्याल तितकी जास्त EMI तुम्हाला भरावी लागेल. अशा प्रकारे तुम्हाला कमी व्याज मिळेल. परंतु, तुमच्या पगारानुसार, घराच्या ईएमआयचा तुमच्या उर्वरित खर्चावर परिणाम होणार नाही हे पाहणे देखील महत्त्वाचे आहे. उत्पन्नाचे मार्ग काय आहेत? जर तुम्ही घर खरेदी करण्यासाठी गृहकर्ज घेत असाल तर तुम्हाला दर महिन्याला EMI म्हणून ठराविक रक्कम भरावी लागेल हे समजून घ्या. दुसरीकडे, जर काही कारणास्तव तुम्ही EMI भरण्यास सक्षम नसाल, तर तुमच्याकडून विलंब शुल्कासह व्याज आकारले जाईल. त्यामुळे घर विकत घेण्यापूर्वी तुमच्याकडे उत्पन्नाचे दुसरे साधन असावे याची खात्री करा. किंवा अशा प्रकारे योजना करा की तुम्ही दरमहा काही पैसे आपत्कालीन निधीमध्ये जमा करा, जे अडचणीच्या वेळी उपयोगी पडतील. कोरोनाच्या काळात अनेकांचे पगार कपात झाले होते. काहींच्या नोकऱ्या गेल्या आहेत, त्यामुळे त्यांना त्यांचे EMI भरण्यात अडचणी येत आहेत.

• Follow us on