आर्थिक संकटात असताना पैसे कसे जमा कराल? 'या' सोप्या पद्धतींनी कमी वेळेत होईल मोठी मदत

मुंबई, 27 जुलै : आर्थिक संकटाच्या परिस्थितीत लोकांना पैशाची समस्या भेडसावते. अशावेळी नेमके पैसे कुठून जमा करावे हे कळत नाही. दबावाखाली आपण चुकीचे निर्णय घेतो, ज्याचा भविष्यात तोटा कळतो. म्हणून, पैशाची व्यवस्था करण्यासाठी इतर पर्यायांकडे लक्ष देणे आवश्यक आहे. सध्या पीएफवर वार्षिक 8.1 टक्के दराने व्याज मिळत आहे. अशा स्थितीत जर एखाद्याची सेवा अधिक वर्षे शिल्लक असेल आणि त्याने पीएफमधून पैसे काढले तर त्याचा रिटायरमेंट फंडावर परिणाम होणे स्वाभाविक आहे. म्हणूनच इतर पर्याय कोणते असू शकतात हे शोधणे फार महत्वाचे आहे. गोल्ड लोन स्टेट बँक ऑफ इंडियासह देशातील बहुतेक बँका वैयक्तिक गोल्ड लोन ऑफर करत आहेत. या सुविधेअंतर्गत लोक आपले सोने बँकेत तारण ठेवून कर्ज घेऊ शकतात. स्टेट बँक दरवर्षी 7 ते 7.5 टक्के व्याजाने गोल्ड लोन देते. गोल्ड लोन घेण्यापूर्वी तुम्ही सर्व बँकांचे व्याज दर तपासले पाहिजे. मुदत ठेवींवर कर्ज जर तुम्ही बँकेत फिक्स्ड डिपॉझिट (FD) खाते उघडले असेल तर तुम्ही त्यावर कर्ज देखील घेऊ शकता. फिक्स्ड डिपॉझिट खात्यावरील कर्ज कमी व्याजावर सहज उपलब्ध आहे. अनेक बँका मुदत ठेवींवर 7 टक्क्यांपेक्षा कमी व्याजाने कर्ज देत आहेत. मुदत ठेवीच्या मूल्याच्या 90% पर्यंत कर्ज घेता येते. जर एखाद्याकडे 1.5 लाखाची मुदत ठेव असेल तर तो 1 लाख 35 हजार रुपयांचे कर्ज घेऊ शकतो. क्रेडिट कार्डवर कर्ज क्रेडिट कार्ड जारी करणाऱ्या बँका आणि वित्तीय संस्था कार्डधारकांना त्यांच्या कार्ड प्रकार, खर्च आणि परतफेड यावर आधारित कर्ज देतात. हे कर्ज घेतल्याने क्रेडिट लिमिट थोडी कमी होते. परंतु काही बँका मंजूर क्रेडिट मर्यादेपेक्षा जास्त कर्ज देखील देतात. टॉप-अप होम लोन गरज भासल्यास बँकेकडून टॉप-अप होम लोनही घेता येईल. जर एखाद्याने बँकेकडून गृहकर्ज घेतले असेल तर तो त्यावर सहजपणे टॉप-अप करू शकतो. या कर्जाचा व्याजदर गृहकर्जापेक्षा किंचित जास्त आहे परंतु वैयक्तिक कर्जापेक्षा कमी आहे. जन धन खात्यावर ओव्हरड्राफ्ट गरिबांना बँकिंग व्यवस्थेशी जोडण्यासाठी केंद्र सरकारने जन धन खाते योजना सुरू केली होती. या योजनेंतर्गत गरिबांना अनेक फायदे मिळतात. या खात्यातून 5000 रुपयांपर्यंतची ओव्हरड्राफ्ट सुविधा मिळू शकते. या सुविधेचा लाभ घेण्यासाठी तुमचे आधार कार्ड बँक खात्याशी लिंक असणे आवश्यक आहे. खात्यात पैसे नसताना ओव्हरड्राफ्ट सुविधेचा लाभ घेता येतो.

• Follow us on