)
मुंबई, 16 ऑक्टोबर: तुम्ही फिशिंग हल्ल्याबद्दल ऐकलंच असेलच. सायबर गुन्ह्यांचं हे सर्वात धोकादायक साधन आहे. या मार्गानं अनेक लोकांची फसवणूक केली जाते. यामध्ये तुमच्यावर थेट हल्ला होत नाही, त्याऐवजी तुम्हाला तुमच्या बँक खात्यावर लक्ष्य केलं जातं. एक छोटीशी चूक तुमची आयुष्यभराची कमाई खराब करू शकते. तुम्ही फक्त एक क्लिक करता आणि दुसरीकडे तुमचं खातं रिकामं झालेलं असतं. फिशिंग हल्ले संदेश, ईमेलद्वारे होतात. चला तर मग जाणून घेऊया या सायबर फ्रॉडच्या 4 पद्धतींबद्दल. 1-संदेश, ईमेलने सुरू होणारी फसवणूक- तुमच्या फोनवरील संदेश किंवा ईमेलने फिशिंग हल्ला सुरू होतो. फोनसह तुमच्या संगणकावर संशयास्पद ईमेल देखील येऊ शकतात. इथूनच सगळा गोंधळ सुरू होतो. तुम्हाला असे विशिष्ट मेसेज किंवा इमेल पाठवले जातात की तुमची इच्छा नसतानाही तुम्ही ते उघडून वाचाल. यानंतर फसवणुकीचा दुसरा टप्पा सुरू होतो. 2- भीतीचा फायदा घेण्याचा प्रयत्न करणे- मेसेज किंवा इमेल ओपन केल्यावर त्यामध्ये काहीतरी लिहिलेलं असेल ज्यामुळे तुम्हाला भीती वाटेल. उदाहरणार्थ, कोणीतरी तुमच्या इंटरनेट बँक खात्यात लॉग इन करण्याचा प्रयत्न केला आहे असं संदेशात लिहिलं जाईल. यामुळं तुमचे मोठं नुकसान होऊ शकतं. तुमचे वीज कनेक्शन कट होणार आहे, असंही मेसेजमध्ये लिहिलेलं असू शकतं. बँक खातं बंद होणार आहे, सिम ब्लॉक होणार आहे. त्यामुळे ते टाळण्यासाठी तातडीने उपाययोजना करा. हेही वाचा: सावध ऐका पुढल्या हाका! मंदी आली तर? या 5 टीप्समध्ये दडलाय सामान्य माणसाचा फायदा 3-उपायांच्या नावाखाली फसवणूक- तुम्हाला भीती दाखवल्यानंतर सायबर चोर मेल किंवा मेसेजमध्ये उपायही सांगेल. तुम्हाला उपायाच्या नावाने एका नंबरवर कॉल करण्यास सांगितलं जाईल. कॉल केल्यावर तुम्हाला एक लिंक दिली जाईल आणि तुम्हाला त्यावर क्लिक करण्यास सांगितलं जाईल. लिंकवर क्लिक केल्यानंतर तुम्हाला पेमेंट करण्यास सांगितलं जाईल. तुम्ही पेमेंट केल्यास तुमचं खातं बंद केलं जाणार नाही, वीज कनेक्शन किंवा सिम ब्लॉक केलं जाणार नाही, असं सायबर गुन्हेगार सांगतात.
4- लिंक नाही, लूट आहे- तुमच्याशी फोनवर बोलणारे सायबर गुन्हेगार अतिशय हुशार असतात. तुमच्याकडे येणाऱ्या लिंक कोणत्याही सरकारी एजन्सी किंवा बँकेच्या नावाची असेल. आपण त्यास बळी पडू शकता आणि त्यावर क्लिक करू शकता. त्यानंतर तुम्हाला बँक खाते तपशील, इंटरनेट बँकिंग युजर्स आयडी, पासवर्ड, क्रेडिट कार्ड-डेबिट कार्ड क्रमांक, सीव्हीव्ही, एटीएम पिन किंवा ओटीपी विचारले जाऊ शकते. तुम्ही तुमचा ऑटोपी देताच तुमचे खाते रिकामे होईल.
+6
फोटो
