Home /News /maharashtra /

राजीव सातव यांच्या जागेवर आता कोण? राहुल आणि प्रियांका गांधी यांच्यात नावावरून मतभेद

राजीव सातव यांच्या जागेवर आता कोण? राहुल आणि प्रियांका गांधी यांच्यात नावावरून मतभेद

राज्यसभेतील सदस्यत्व आणि गुजरात काँग्रेस प्रभारी, या दोन्ही जागेवर काँग्रेसमधील नेते आता फिल्डिंग लावत आहेत. महत्त्वाचं म्हणजे सातव यांच्या जागी महाराष्ट्र काँग्रेसमधील दोन नावांची विशेष चर्चा आहे.

    नवी दिल्ली, 4 जून : महाराष्ट्रातील काँग्रेस पक्षाचे दिग्गज नेते खासदार राजीव सातव (Rajiv Satav) यांचं काही दिवसांपूर्वीच कोरोनामुळं निधन झालं. राजीव सातव हे गुजरातचे काँग्रेस प्रभारी होते. त्यामुळे आता गुजरात काँग्रेस प्रभारी पदी कोणाची नेमणूक होणार याकडं नेते मंडळींचं लक्ष लागलं आहे. सातव यांच्या जाण्यामुळं दोन पदे रिकामी झाली आहेत. राज्यसभेतील सदस्यत्व आणि गुजरात काँग्रेस प्रभारी, या दोन्ही जागेवर काँग्रेसमधील नेते आता फिल्डिंग लावत आहेत. महत्त्वाचं म्हणजे सातव यांच्या जागी महाराष्ट्र काँग्रेसमधील दोन नावांची विशेष चर्चा आहे. गुजरातमध्ये नवीन काँग्रेस प्रभारी कोण असेल? या विषयी काँग्रेस पक्षात उच्चस्तरीय बैठका सुरू आहेत. राहुल गांधी, प्रियांका गांधी आणि अशोक गहलोत या तिघांनी मिळून काही नावं काढली असल्याचे आता सांगण्यात येत आहे. यामध्ये महाराष्ट्रातील काँग्रेस पक्षाचे महासचिव मुकुल वासनिक आणि माजी महासचिव अविनाश पांडे या दोघांची नावे जास्त चर्चेत आहेत. सूत्रांच्या माहितीनुसार प्रियांका गांधी या मुकुल वासनिक यांच्या नावाच्या बाजूने आहेत. तर राहुल गांधी अविनाश पांडे यांच्या नावाला पसंती देत आहेत. पांडे हे सोनिया गांधींच्या विश्वासातले असल्याचे मानलं जातं. महत्त्वाचे म्हणजे राजस्थान काँग्रेसच्या प्रभारी पदी असताना त्यांनी सचिन पायलट यांची पक्षातील दगाबाजीची खेळी हाणून पाडण्यात महत्त्वाचं योगदान दिलं होतं. याच कारणामुळं अशोक गेहलोत यांचादेखील अविनाश पांडे यांना पाठिंबा असल्याचे सांगण्यात येत आहे. महाराष्ट्रातील विधानसभा निवडणुकांवेळी अविनाश पांडे यांना सोनिया गांधींनी वॉररूमचे प्रभारी बनवले होते. त्यावेळी शिवसेनेसोबत सरकारमध्ये सामील होण्यासाठी अविनाश पांडे आणि अशोक गेहलोत या दोघांनीच सोनिया गांधी यांच मन वळवण्यामध्ये महत्त्वाची भूमिका पार पाडली होती. पांडे यांच्या देखरेखीखालीच महिनाभर महाराष्ट्रातील काँग्रेसचे आमदार जयपूरमध्ये सुरक्षित होते. त्यांची सर्व व्यवस्था करण्याची जबाबदारी पांडे यांच्यावर होती. त्यामुळे पांडे यांचे नाव सध्या आघाडीवर असल्याचं सांगण्यात येत आहे. हे वाचा - ‘…अन्यथा तुला जिवंत सोडणार नाही’; पुण्यात स्पीड पोस्टद्वारे 20 लाखाच्या खंडणीची मागणी तर मुकुल वासनिक यांचे पक्षातील संघटनात्मक काम महत्त्वाचं आहे. सुरुवातीपासूनच ते काँग्रेसचे एक महत्त्वाचे नेते राहिले आहेत. मात्र, गुजरात काँग्रेसमधील वाद-विवाद सोडवून स्थानिक पातळीवर नेत्यांचे मनोमिलन घडवून आणण्यामध्ये ते फार प्रभावी ठरतील असं दिसत नाही. त्यांना गुजरात आणि तेथील राजकीय स्थिती समजून घ्यायला बराच वेळ लागेल, पण सध्या फार वेळ घालवण्याची स्थिती नाही, कारण पुढल्याच वर्षी गुजरातमध्ये विधानसभेच्या निवडणुका होणार आहेत. या दोघांशिवाय निरज डांगी, माजीमंत्री रघुवीर सिंग मीना आणि हर्षवर्धन सपकाळ यांचीही नावे चर्चेत आहेत, मात्र यातील कोणाची निवड झाल्यास प्रभारी पद दोघांकडे विभागून देण्यात येण्याची शक्यता आहे. हे वाचा - कोरोनाबाधित पत्नीला कोविड सेंटरमध्ये नेण्यासाठी पतीची अफलातून शक्कल, पाहा जुगाडाचा VIDEO राजीव सातव यांच्यामुळे राज्यसभा सदस्य पदाच्या रिकाम्या झालेल्या जागेवर विशेष करून मुकुल वासनिक यांचीच खरी नजर आहे. अविनाश पांडे हे एकदा राज्यसभा खासदार झाले होते आणि सध्या काँग्रेसमध्ये एखादा ब्राह्मण चेहरा राज्यसभेमध्ये पाठवण्याचा विचार होत आहे. कारण आता आनंद शर्मा हे देखील निवृत्त होत आहेत त्यांच्या बदली मुकुल वासनिक चेहरा पुढे येण्याची शक्यता आहे.
    Published by:News18 Desk
    First published:

    Tags: Congress, Rajaya sabha, Rajiv Satav

    पुढील बातम्या