)
हिंगोली, 13 सप्टेंबर : शिवसेनेशी गद्दारी करून शिवसेनाप्रमुख बाळासाहेब ठाकरे यांच्या नावाचा वापर करणाऱ्या गद्दारांनी त्यांच्या बापाच्या जागेवर बाळासाहेबांचे नाव लावावे, असे थेट आव्हान शिवसेना नेते भास्कर जाधव यांनी केले आहे. ते हिंगोली दौऱ्यावर आहेत शिवसेनेचा मेळावा आयोजित करण्यात आला होता. त्यावेळी भास्कर जाधव यांनी बंडखोर आमदारांचा चांगलाच समाचार घेतला.
बंडखोर आमदार बाळासाहेब ठाकरे यांचं नाव घेत आहेत. त्यांना शिवसेना पक्षप्रमुख उद्धव ठाकरे यांनी याबाबत विचारणा केली असता भाजपची काही चाणक्य मंडळी शिवसेनाप्रमुख बाळासाहेब ठाकरे हे आमचे नेते आहेत, ते राष्ट्रीय नेते आहेत, असे वारंवार सांगत आहेत. तुम्ही एवढेच प्रमाणिक आहात, तर बापाच्या जागेवर बाळासाहेब ठाकरेंचे नाव लावा. आम्हाला वाईट वाटणार नाही, आम्हालाही तुमची निष्ठा बघायची आहे. केवळ पाप लपवण्यासाठी शिवसेनाप्रमुख बाळासाहेब ठाकरे यांच्या नावाचा वापर केला जातो, असा घनाघातही भास्कर जाधव यांनी शिंदे गटातील आमदारांवर केला आहे.
हे ही वाचा : राणा दाम्पत्याचा अमरावतीच्या पोलिसांवरच गंभीर आरोप, उद्धव ठाकरेंवरही साधला निशाणा
महामेळाव्यापूर्वी शिवसेना पदाधिकाऱ्यांच्या वतीने हिंगोली शहरात जोरदार शक्ती प्रदर्शन करण्यात आले. या मेळाव्याला भास्कर जाधव यांच्याबरोबर बबन थोरात यांचीही उपस्थिती होती.
हिंगोली जिल्हाप्रमुखांची घाणाघाती टीका
हिंगोली जिल्ह्यांमध्ये शिवसेनेच्या महामेळाव्या दरम्यान, शिवसेनेच्या दोन्ही जिल्हाप्रमुखांनी शिंदे गटाचे आमदार संतोष बांगर यांच्यावर सडकून टीका केली. हिंगोलीचा सलमान खान शर्ट काढून दंड दाखवतो, असे म्हणत जिल्हाप्रमुख विनायक भिसे यांनी संतोष बांगर यांच्यावर सडकून टीका केली आहे.
हे ही वाचा : कसं काय पाटील बरं हाय का? काल दिल्लीत झालं ते खर हाय का? सीएम शिंदेचा जयंत पाटलांवर हल्लाबोल
कावड यात्रेमध्ये शर्ट काढून दंड दाखवायचे, गणपतीमध्ये कपडे काढून दंड दाखवायला लागले. इकडून केस, तिकडून केस, अरे काय ते आमदार हे संविधानिक पद आहे. राव त्याची काहीतरी किंमत तर असायला पाहिजे ना. व्यायाम शाळा सुद्धा सोडल्या नाही. यांनी ज्या व्यायाम शाळेमध्ये आपण शरीर साधना करतो, आपले शरीर बळकट करतो, त्या व्यायाम शाळेमध्ये हे मटका पत्ते खेळत बसतात अशी टीकाही जिल्हाप्रमुख भिसे यांनी केली.
+6
फोटो
