सातारा, 23 नोव्हेंबर : सातारा जिल्हा मध्यवर्ती बँक निवडणुकीत (Satara District Bank Election result) राष्ट्रवादी काँग्रेसचे आमदार शशिकांत शिंदे (Shashiknat Shinde) यांचा अवघ्या एका मताने पराभव झाला आहे. या पराभवानंतर राष्ट्रवादी काँग्रेसच्या कार्यालयावर दगडफेक (Stone pelting on NCP office) झाली आहे. शशिकांत शिंदे यांच्या समर्थकांनीच राष्ट्रवादी काँग्रेसच्या कार्यालयावर दगडफेक केली असल्याचं बोललं जात आहे. राष्ट्रवादी कार्यालयावर दगडफेक करणाऱ्या कार्यकर्त्यांना पोलिसांनी ताब्यात घेतले आहे. (Stone pelting at NCP office Satara after Shashikant Shinde defeated district bank election)
शशिकांत शिंदेंच्या पराभवानंतर कार्यकर्ते आक्रमक; राष्ट्रवादी काँग्रेसचे कार्यालय फोडले pic.twitter.com/L28TpaAcNA
— News18Lokmat (@News18lokmat) November 23, 2021
शशिकांत शिंदेंचा अवघ्या एका मताने पराभव
राष्ट्रवादी काँग्रेसचे आमदार शशिकांत शिंदे यांचा अवघ्या एका मताने पराभव झाला आहे. तर ज्ञानदेव रांजणे (Dnyandeo Ranjane) विजयी झाले आहेत. पहिलाच निकाल हा धक्कादायक असल्याचं समोर आलं आहे. या निवडणुकीत सहकार मंत्री बाळासाहेब पाटील गृहराज्यमंत्री शंभूराज देसाई आणि आमदार शशिकांत शिंदे यांची प्रतिष्ठा पणाला लागली होती.
जावली प्राथमिक कृषी पतपुरवठा मतदारसंघ
आमदार शशिकांत शिंदे एका मतांनी पराभूत
एकूण मते - 49
झालेली मते - 49
वैध मते - 49
उमेदवार आणि मिळालेली मते
शशिकांत शिंदे - 24 मते
ज्ञानदेव रांजणे - 25 मते
विजयी उमेदवार - ज्ञानदेव रांजणे
गृहराज्यमंत्री शंभूराज देसाई यांचा पराभव
या निवडणुकीत दिग्गजांना पराभवाचा सामना करावा लागल्याचं दिसत आहे. पाटण येथून माजी मंत्री विक्रमसिंह पाटणकर यांचे सुपूत्र सत्यजितसिंह पाटणकर (Satyajitsingh Patankar) इतकी मते घेऊन विजयी झाले आहेत. महाराष्ट्राचे गृहराज्यमंत्री शंभूराज देसाई (Shambhuraj Desai) यांचा त्यांनी 58 मतांनी पराभव केला असून त्यांच्यासाठी हा निकाल धक्कादायक आहे.
पाटण प्राथमिक कृषी पतपुरवठा मतदारसंघ
एकूण मते - 103
झालेले मतदान - 102
वैध मते - 103
अवैध मते - 000
उमेदवार आणि मिळालेली मते
शंभूराज देसाई - 44 मते
सत्यजितसिंह पाटणकर 58 मते मिळवून विजयी
पाटण येथून माजी मंत्री विक्रमसिंह पाटणकर यांचे सुपूत्र सत्यजितसिंह पाटणकर इतकी मते घेऊन विजयी झाले आहेत. महाराष्ट्राचे गृहराज्यमंत्री शंभूराज देसाई यांचा त्यांनी 58 मतांनी पराभव केला असून त्यांच्यासाठी हा निकाल धक्कादायक आहे.
खटाव प्राथमिक कृषी पतपुरवठा मतदारसंघ निकाल
एकूण मते - 103
झालेली मते - 103
वैध मते - 102
अवैध मते - 01
उमेदवार आणि मिळालेली मते
प्रभाकर घार्गे - 56 मते
नंदकुमार मोरे - 46 मते
विजयी उमेदवार - प्रभाकर घार्गे
कराड प्राथमिक कृषी पतपुरवठा मतदारसंघ निकाल
एकूण मते - 140
झालेली मते - 140
वैध मते - 140
अवैध मते - 000
उमेदवार आणि मिळालेली मते
बाळासाहेब पाटील - 74 मते
उदयसिंह पाटील - 66 मते
विजयी उमेदवार -सहकारमंत्री बाळासाहेब पाटील
नागरी बँका / ग्रामीण सहकारी पतपेढ्या मतदारसंघ
एकूण मते - 374
झालेली मते - 360
वैध मते - 374
अवैध मते - 6
उमेदवार आणि मिळालेली मते
सुनील जाधव - 47 मते
रामराव लेंभे - 307 मते
विजयी उमेदवार - रामराव लेंभे 260 मतांनी विजयी
इतर मागास प्रवर्ग मतदारसंघ
एकूण मते - 1964
झालेली मते - 1892
वैध मते - 1838
अवैध मते - 54
उमेदवार आणि मिळालेली मते
शेखर गोरे - 379 मते
प्रदीप विधाते - 1459 मते
विजयी उमेदवार - प्रदीप विधाते
महिला प्रतिनिधी राखीव मतदारसंघ
एकूण मते - 1964
झालेली मते - 1892
वैध मते - 1845
अवैध मते - 47
उमेदवार आणि मिळालेली मते
शारदादेवी कदम 618 मते
चंद्रभागा काटकर 141 मते
ऋतुजा पाटील 1445 मते
कांचन साळुंखे 1292 मते
विजयी उमेदवार - ऋतुजा पाटील आणि कांचन साळुंखे
मतदानाच्या दिवशी दोन गटांत राडा
सातारा जिल्हा बँकेच्या मतदानाच्या दिवशी दोन गटांत राडा झाल्याचं पहायला मिळालं होतं. या निवडणुकीत 21 पैकी 10 जागांसाठी मतदान प्रक्रिया पार पडली आहे. सातारा जिल्हा मध्यवर्ती बँकेच्या निवडणुकीचे उमेदवार शशिकांत शिंदे (Shashikant Shinde) आणि ज्ञानदेव रांजणे (Dnyandeo Ranjane) यांचे कार्यकर्ते एकमेकांना भिडले होते.
सातारा जिल्हा मध्यवर्ती बँकेच्या निवडणुकीत एकूण 21 पैकी 11 उमेदवार बिनविरोध झाल्यामुळे 10 जागांसाठी मतदान प्रक्रिया पार पडली होती. या निवडणुकीत सहकारमंत्री बाळासाहेब पाटील, गृहराज्यमंत्री शंभूराज देसाई, शशिकांत शिंदे यांची प्रतिष्ठा पणाला लागली होती.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Satara, Shashikant shinde