)
नाशिक, 19 मार्च : नाशिकमधील सातपूर परिसर गोळीबार आणि कोयत्याच्या हल्ल्याच्या घटनेने खळबळ उडाली. सातपूरच्या कार्बन नाका परिसरातील म्हसोबा मंदिराजवळ एका तरुणावर जीवघेणा हल्ला झाला. जुन्या वादातून तिघांनी तरुणावर गोळीबार तसेच कोयत्याने वार केल्याची माहिती आहे. हल्ल्याचा संपूर्ण थरार CCTV मध्ये कैद झाला आहे. या सिनेस्टाईल हल्ल्याने परिसरात मोठी दहशत निर्माण झाली आहे. काय आहे घटना? शहरातील सातपूर पोलीस ठाण्याच्या हद्दीत असलेल्या कार्बन नाका परिसरात गोळीबार झाल्याची माहिती मिळाली आहे. गोळीबाराच्या घटनेनंतर परिसरातील व्यवसायिक व नागरिकांमध्ये देखील प्रचंड घबराटीचे वातावरण पसरले आहे. घटनेची माहिती मिळताच पोलीस आणि गुन्हे शाखेचं पथक घटनास्थळी दाखल झालं. पोलिसांनी केलेल्या प्राथमिक तपासानंतर वसुलीच्या वादातून हा प्रकार घडल्याचं समोर येत आहे. पैसे वसूल करण्यासाठी एकाला अडवून त्याच्या दिशेने गोळी झाडण्यात आल्याचं समोर आलं आहे. या घटनेत एक जण जखमी असून त्याच्यावर खासगी रुग्णालयात उपचार करण्यात येत आहेत.
नाशिकमध्ये जुन्या वादातून पाठलाग करत तिघांचा तरुणावर गोळीबार तसेच कोयत्याने वार#nashik #crime pic.twitter.com/kXhEeSKRKe
— News18Lokmat (@News18lokmat) March 19, 2023
वाचा - बापानं आयुष्यभर कमवलेले पैसे, दागिने मुलीने एका झटक्यात चोरलं, काय आहे प्रकरण याबाबत मिळालेली अधिक माहिती अशी की, सातपूर पोलीस ठाण्याच्या हद्दीत असलेल्या कार्बन नाका परिसरात महिंद्रा सोना कंपनी समोर दोन कार एकमेकांसमोर आल्यानंतर एकाने गोळी झाडली. पूर्ववैमनस्यातून हा जीवघेणा हल्ला झाला. जुन्या वादातून तिघांनी तरुणावर गोळीबार तसेच कोयत्याने वार केले. यानंतर मारेकऱ्यांनी आपले वाहन घटनास्थळी सोडून कामगाराला धाक दाखवत त्याच्या दुचाकीने पळ काढला. ही सिनेस्टाईल घटना रविवारी दुपारी घडली.
तपन जाधव, असं हल्ल्यात जखणी झालेल्या व्यक्तीचे नाव आहे. तपन जाधव हे आपल्या चारचाकीमधून (एमएच 04 ईएक्स 5678) ने प्रवास करत असताना कार्बन नाका परिसरात आरोपी आशिष जाधव आपल्या 2 साथीदारांसह (एमएच 15 डीएम 7639) या वाहनातून आले. त्यानं तपनच्या गाडीला धडक दिली. यानंतर गाडीखाली उतरत त्याच्यावर कोयत्याने वार केले, यासह गोळीबार केला. तिघांनी मिळून केलेल्या या हल्ल्यात तपन जाधव गंभीररित्या जखमी झाला. सध्या त्यांच्यावर उपचार सुरु आहेत.
+6
फोटो
